ভি ই কমাৰ্চিয়েল ভেহিকেলছ (ভিইচিভি) লিমিটেডৰ অন্যতম অংশ আইচাৰ ট্ৰাকছ এণ্ড বাছে শেহতীয়াকৈ যুগান্তকাৰী অৰ্ডাৰ পূৰণ কৰি চিমেণ্ট উদ্যোগৰ অগ্ৰদূতস্বৰূপ প্ৰতিষ্ঠান ষ্টাৰ চিমেণ্ট আৰু গুৱাহাটীস্থিত সহযোগীসকলক ৫০খন আইচাৰ প্ৰ’ ২১১৯ ট্ৰাক ডেলিভাৰী কৰিছে। এই বৃহৎ পৰিমাণৰ বাহন যোগান উত্তৰ-পূব ভাৰতত এতিয়ালৈকে লাভ কৰা অন্যতম বৃহৎ একক পৰিবহণ অৰ্ডাৰ হিচাপে চিহ্নিত হৈছে, যিয়ে অঞ্চলটোৰ প্ৰত্যাহ্বানপূৰ্ণ অঞ্চলৰ বাবে প্ৰস্তুত কৰা নিৰ্ভৰযোগ্য আৰু কাৰ্যক্ষম পৰিবহন সমাধান প্ৰদানৰ বাবে আইচাৰৰ প্ৰতিশ্ৰুতিক আৰু অধিক উজ্বল কৰি তুলিছে।
১৮.৫ টন গ্ৰছ ভেহিকেল ৱেইট বা মুঠ বাহন ওজন(জিভিডব্লিউ) প্ৰদান কৰা আইচাৰ প্ৰ’ ২১১৯ ট্ৰাকসমূহ বিশেষভাৱে গৌণ বিতৰণ কাৰ্য-কলাপত পাৰদৰ্শিতা দেখুৱাব পৰাকৈ প্ৰস্তুত কৰা হৈছে, যাৰ ফলত শেষ মাইলপৰ্যন্ত চিমেণ্ট পৰিবহনৰ যথেষ্ট পৰিমাণৰ চাহিদা অনুসৰি পৰিবহন কৰিব পৰাকৈ এক আদৰ্শ পছন্দ কৰি তোলা হৈছে। ভিইচিভিৰ এইচডি ট্ৰাক বিজনেছৰ ইভিপি গগনদীপ সিং গন্ধকে আইচাৰ বাহনৰ মানদণ্ড আৰু নিৰ্ভৰযোগ্যতাৰ ওপৰত গুৰুত্ব আৰোপ কৰি লজিষ্টিক কাৰ্য-কলাপৰ বাবে ষ্টাৰ চিমেণ্টৰ সৈতে অংশীদাৰিত্ব কৰিবলৈ পাই আনন্দিত হৈছে।
এই উপলক্ষে নিজৰ অভিমত প্ৰকাশ কৰি ষ্টাৰ চিমেণ্টৰ চি অ’অ’ প্ৰদীপ পুৰোহিতে কয় যে, আইচাৰ ট্ৰাকছ এণ্ড বাছৰ বাহনসমূহ আমাৰ ছেগমেণ্টৰ প্ৰয়োজনীয়তাৰ সৈতে নিখুঁতভাৱে সংগতি আছে আৰু প্ৰতিষ্ঠানটোৰ অধিক কাৰ্যক্ষম আৰু ইন্ধন-দক্ষ বাহন প্ৰদানৰ বাবে যথেষ্ট খ্যাতি আছে। আইচাৰ প্ৰ’ ২১১৯ ট্ৰাকত উন্নত ই৪৯৪ ইঞ্জিন প্ৰদান কৰা হৈছে, লগতে অতুলনীয় ইন্ধন কাৰ্যক্ষমতা আৰু শ্ৰেষ্ঠ পেলোড ক্ষমতাসম্পন্ন ট্ৰাকখনৰ সৈতে উদ্যোগ-প্ৰথম ৭ স্পীড ট্ৰেন্সমিছন দিয়া হৈছে।
