ৰাছিয়াক ডাঙৰ ভাবুকি প্ৰদান কৰিছে আমেৰিকাৰ ৰাষ্ট্ৰপতি ড’নাল্ড ট্ৰাম্পে। তেওঁ কয়, “যদি ৫০ দিনৰ ভিতৰত ইউক্ৰেইনত যুদ্ধ শেষ কৰাৰ বাবে কোনো চুক্তি নহয়, তেন্তে তেওঁ ৰাছিয়াৰ ওপৰত শুল্ক আৰোপ কৰিব। অ’ভাল অফিচত নাটোৰ মহাসচিব মাৰ্ক ৰুটৰ সৈতে হোৱা বৈঠকত এই ঘোষণা কৰে আমেৰিকাৰ ৰাষ্ট্ৰপতিগৰাকীয়ে। ট্ৰাম্পে কয়, “যদি ৫০ দিনৰ ভিতৰত কোনো চুক্তি নহয় তেন্তে আমি অতি কঠোৰ শুল্ক আৰোপ কৰিম।” কিন্তু শুল্ক কেনেদৰে কাৰ্যকৰী কৰা হ’ব সেই বিষয়ে তেওঁ বুজাই দিয়া নাই। তেওঁ আৰু কয়, “মই বাণিজ্যক বহু কামত ব্যৱহাৰ কৰো, কিন্তু যুদ্ধ নিষ্পত্তি কৰাৰ বাবে ই অতি ভাল।”
