বহনক্ষম ৰাজহুৱা পৰিবহণৰ দিশত এক গুৰুত্বপূৰ্ণ পদক্ষেপ হিচাপে চাৰ্টাৰ্ড স্পীডে অৰুণাচল প্ৰদেশ ষ্টেট ট্ৰেন্সপৰ্ট চাৰ্ভিছ(এপিএছটিএছ)ৰ সৈতে অংশীদাৰিত্বৰে অৰুণাচল প্ৰদেশত ১০খন বৈদ্যুতিক বাছ চলাচলৰ ব্যৱস্থা কৰিছে। আজি অনুষ্ঠিত এক অনুষ্ঠানত অৰুণাচলৰ উপ-মুখ্যমন্ত্ৰী চৌনা মেইনে আনুষ্ঠানিকভাৱে এই পদক্ষেপৰ শুভাৰম্ভণি কৰে। নতুনকৈ অৰুণাচলৰ ইটানগৰ, নামচাই আৰু পাছিঘাটত চলিব ৯ মিটাৰ দৈৰ্ঘ্যৰ শীততাপ নিয়ন্ত্ৰিত ইলেক্ট্ৰিক বাছ। কাৰ্যকৰী দক্ষতা নিশ্চিত কৰিবলৈ চাৰ্টাৰ্ড স্পীডে এই চহৰসমূহৰ কৌশলগত স্থানত ইভি চাৰ্জিং ষ্টেচন স্থাপন কৰিছে, যাৰ ফলত দ্ৰুত ৰিচাৰ্জিঙৰ সুবিধা হৈছে আৰু সেৱাৰ ব্যাঘাত যথেষ্ট কম হৈছে।
চাৰ্টাৰ্ড স্পীডৰ হোল টাইম ডাইৰেক্টৰ চন্যম গান্ধীয়ে কোম্পানীটোৰ অন্তৰ্ভুক্ত সেউজ গতিশীলতাৰ প্ৰতি দায়বদ্ধতাৰ ওপৰত গুৰুত্ব আৰোপ কৰিছে। তেখেতে কয় যে, “এপিএছটিএছৰ সৈতে আমাৰ অংশীদাৰিত্বই আমাৰ বিশ্বাসক প্ৰতিফলিত কৰে যে ভৌগোলিক পৰিসৰে স্বচ্ছ পৰিবহণৰ সুবিধা সীমিত কৰিব নালাগে।”
উত্তৰ-পূবৰ চাৰ্টাৰ্ড স্পীডৰ কৌশলগত পদক্ষেপৰ পিছতে গুৱাহাটীতো পৰিৱেশ অনুকূল ৰাজহুৱা পৰিবহণৰ চাহিদা বৃদ্ধি পোৱা দেখা গৈছে। অসম ইতিমধ্যে প্ৰতিষ্ঠানটোৰ বৈদ্যুতিক গতিশীলতাৰ ৰ’ডমেপত একত্ৰিত হোৱাৰ লগে লগে গুৱাহাটীৰ উদ্যোগৰ অংশীদাৰসকলে ইভি সেৱাৰ অধিক সম্প্ৰসাৰণে প্ৰদূষণ হ্ৰাস কৰাৰ লগতে আন্তঃনগৰ সংযোগ উন্নত হোৱাৰ আশা কৰিছে। দেশজুৰি ১৮০০ৰো অধিক বাছ চলাচল কৰোৱা চাৰ্টাৰ্ড স্পীডেও ভাৰতৰ ১৩খন চহৰত ৯০০+ ইলেক্ট্ৰিক বাছ চলোৱাৰ বাবে চিইএছএলৰ পৰা চুক্তি লাভ কৰিছে।
