চেণ্ট্ৰেল ডিপজিটৰী চাৰ্ভিচেছ (ভাৰত) লিমিটেড(চিডিএছএল)-এ বিনিয়োগকাৰী সুৰক্ষা পুঁজি (আইপিএফ)-এ প্রতিভূতি বজাৰত মহিলাসকলক দায়িত্বশীলভাৱে নিজৰ বিনিয়োগ যাত্ৰা আৰম্ভ কৰিবলৈ উৎসাহিত কৰিবলৈ ‘মিছ আত্মনিৰ্ভৰ বিনিয়োগকাৰী’ শীৰ্ষক এক নতুন ডিজিটেল প্ৰচাৰ অভিযান আৰম্ভ কৰিছে। আন্তঃৰাষ্ট্ৰীয় নাৰী দিৱস উপলক্ষে চিডিএছএল আইপিএফৰ ধ্বজাবাহী বিনিয়োগকাৰী সজাগতা কাৰ্যসূচী ‘আত্মনিৰ্ভৰ’ৰ অংশ হিচাপে এই পদক্ষেপ গ্ৰহণ কৰা হৈছে।
এই অভিযানৰ অংশ হিচাপে চিডিএছএল আইপিএফে দুখন ডিজিটেল বিজ্ঞাপন ছবি মুকলি কৰিছে, যিখন প্ৰচাৰ ছবি সমগ্ৰ দেশৰ মহিলা বিনিয়োগকাৰীৰ কাষ চাপিবলৈ ১২টা ভাৰতীয় ভাষাত প্ৰচাৰ কৰা হৈছে। প্ৰথমখন ছবিত দেখা গৈছে যে বন্ধুৰ দলে এগৰাকী দ্বিধাগ্ৰস্ত মহিলাক নিজৰ সন্দেহ দূৰ কৰিবলৈ আৰু জ্ঞাত বিনিয়োগৰ দিশত প্ৰথম পদক্ষেপ ল’বলৈ উৎসাহিত কৰিছে। দ্বিতীয়খন ছবিয়ে বিনিয়োগ আৰম্ভ কৰাৰ সিদ্ধান্তক উদযাপন কৰে, নিজৰ আৰ্থিক ভৱিষ্যত পৰিচালনাৰ লগত গঢ়ি উঠা আত্মবিশ্বাস আৰু স্বাধীনতাক উজ্জ্বল কৰি তুলিছে। এই অভিযানত #BanoMsAtmanirbharInvestor বাৰ্তা প্ৰচাৰ কৰা হৈছে।
চিডিএছএল-ৰ মুখ্য নিয়ামক বিষয়া তথা চিডিএছএল আইপিএফ-ৰ ট্ৰাষ্টী নয়না ওৱালেকাৰে কয় যে, বিত্তীয় আত্মনিৰ্ভৰশীলতা হৈছে সবলীকৰণৰ এক শক্তিশালী ৰূপ আৰু বিনিয়োগে মহিলাসকলক এক সুৰক্ষিত বিত্তীয় ভৱিষ্যত গঢ়ি তোলাত সহায় কৰিব পাৰে। গুৱাহাটীকে ধৰি সমগ্ৰ ৰাজ্যখনত এই ধৰণৰ সজাগতা অভিযানে অঞ্চলটোৰ অধিক মহিলাক পদ্ধতিগত বিনিয়োগ পৰিকল্পনা, ইকুইটি আৰু মিউচুৱেল ফাণ্ডৰ সন্ধানত সহায় কৰিছে। বজাৰত অংশগ্ৰহণকাৰীসকলে লক্ষ্য কৰিছে যে বিনিয়োগকাৰী শিক্ষাৰ পদক্ষেপে উত্তৰ-পূৰ্বাঞ্চলৰ মহিলা বিনিয়োগকাৰীসকলৰ বিত্তীয় সাক্ষৰতা ক্ৰমান্বয়ে উন্নত কৰি তুলিছে।
Film 1 link: https://youtu.be/67W–BXl2H8?si=d741IhvrQ1N0dEv5
Film 2 link: https://youtu.be/OMKH378uv0k?si=p-4nv_EbY9u8gHMz
