উত্তৰ-পূৰ্বাঞ্চলৰ বৈদ্যুতিক বাহন খণ্ডত চমক সৃষ্টি কৰিবলৈ এ প্লাছ চাৰ্জ আৰু এথাৰ এনাৰ্জীৰ সহযোগিতা

এ প্লাছ চাৰ্জে দুচকীয়া বৈদ্যুতিক বাহনৰ আগশাৰীৰ প্ৰতিষ্ঠান এথাৰ এনাৰ্জীৰ সৈতে কৌশলগত অংশীদাৰিত্বৰ কথা ঘোষণা কৰিছে। এই সহযোগিতাই অঞ্চলটোত ইভি বাহন ব্যৱহাৰৰ বৰ্ধিত চাহিদা পূৰণ কৰাৰ লক্ষ্যৰে প্ৰধান চহৰসমূহ আৰু ট্ৰেনজিট কৰিডৰসমূহত উন্নত দ্ৰুত চাৰ্জিং আন্তঃগাঁথনি নিয়োগ কৰাত গুৰুত্ব আৰোপ কৰিব।
এ প্লাছ চাৰ্জৰ দ্বাৰা চালিত এই চাৰ্জাৰসমূহে সকলো লাইট ইলেক্ট্ৰিক কম্বাইণ্ড চাৰ্জিং চিষ্টেম (এলইচিচিএছ)-কম্পেটিবল লাইট ইলেক্ট্ৰিক বাহন(এলইভি)সমূহো সমৰ্থন কৰিব। গুৱাহাটী, ডিব্ৰুগড়, শিলচৰ আৰু শিলিগুৰিত প্ৰথমে শুভাৰম্ভ কৰা হ’ব, পিছলৈ যোৰহাট, ডিমাপুৰ, আগৰতলা আৰু অন্যান্য সম্ভাৱনাপূৰ্ণ চহৰলৈ সম্প্ৰসাৰিত হ’ব।
অন্তিম স্থানলৈ ব্যৱস্থাপনা, ডেলিভাৰী সেৱা আৰু নগৰীয়া যাত্ৰীসকলৰ মাজত বহনক্ষম পৰিবহণৰ বৰ্ধিত চাহিদাৰ ফলত ইভি আন্তঃগাঁথনি বিনিয়োগৰ বাবে ই এক কৌশলগত বিকল্প হৈ পৰিছে। বজাৰ বিশ্লেষকসকলে আশা কৰিছে যে এই পদক্ষেপে স্থানীয় ইভি বাহন বিক্ৰী-লেনদেনক উদ্দীপিত কৰিব আৰু অধিক শক্তিশালী পৰিৱেশ তন্ত্ৰক অনুঘটক কৰি তুলিব। “এই অংশীদাৰীত্বই উত্তৰ-পূৰ্বাঞ্চলৰ সেউজ পৰিৱৰ্তনৰ ক্ষেত্ৰত এক গুৰুত্বপূৰ্ণ মাইলৰ খুঁটি হিচাপে চিহ্নিত হৈছে”, এ প্লাছ চাৰ্জৰ প্ৰতিষ্ঠাপক তথা সঞ্চালক সম্যক জৈনে এইদৰে কয়, যিয়ে অঞ্চলটোত সম্পূৰ্ণ ষ্টেক চাৰ্জ পইণ্ট অপাৰেটৰ হিচাপে নেতৃত্ব দিয়াৰ ফাৰ্মখনৰ উচ্চাকাংক্ষাক শক্তিশালী কৰি তুলিছে।