নিচান মটৰ ইণ্ডিয়াই সেৱাৰ উৎকৃষ্টতা আৰু গ্ৰাহকৰ সন্তুষ্টিৰ ওপৰত গুৰুত্ব আৰোপ কৰি উদযাপন কৰিছে বিশ্ব গুণগত মানদণ্ড মাহ ২০২৬

নিচান মটৰ ইণ্ডিয়া প্ৰাইভেট লিমিটেড(এনএমআইপিএল)-এ সমগ্ৰ ভাৰতত থকা ৩১৫ টা বিক্ৰী আৰু সেৱা কেন্দ্ৰৰ জৰিয়তে গ্ৰাহকৰ সন্তুষ্টি আৰু সেৱাৰ উৎকৃষ্টতাৰ প্ৰতি থকা দায়বদ্ধতাক সুদৃঢ় কৰিবলৈ ২০২৬ চনৰ সমগ্ৰ নৱেম্বৰ মাহটো বিশ্ব গুণগত মানদণ্ড মাহ হিচাপে পালন কৰিছে।
অনন্য গুণগত মানদণ্ড। প্ৰতিগৰাকী গ্ৰাহক। প্ৰতিখন বাহন। প্ৰতিবাৰেই শীৰ্ষক মূল বিষয়বস্তুৰ ওপৰত আধাৰিত এই এমহীয়া কাৰ্যসূচীৰ উদ্দেশ্য হৈছে ধাৰাবাহিক বিক্ৰীৰ পৰৱৰ্তী সেৱাৰ জৰিয়তে সেৱাৰ মানদণ্ড শক্তিশালী কৰা, কাৰ্যক্ষমতা বৃদ্ধি কৰা আৰু গ্ৰাহকৰ বিশ্বাস অৰ্জন কৰা।
এই পদক্ষেপৰ এটা গুৰুত্বপূৰ্ণ দিশ হ’ল প্ৰথমবাৰতেই সঠিকভাৱে মেৰামতি কৰা, যাৰ জৰিয়তে মেৰামতিৰ মানদণ্ড উন্নত কৰা আৰু বাহনৰ গৰাকীসকলক এক মসৃণ সেৱা প্ৰদান কৰাৰ প্ৰয়াস কৰা হৈছে। নিচানে গ্ৰাহক-কেন্দ্ৰিক কাৰ্যকলাপ, কৰ্মচাৰীৰ প্ৰশিক্ষণ কাৰ্যসূচী আৰু উন্নত গুণগত প্ৰক্ৰিয়াৰ জৰিয়তে ডীলাৰশ্বিপ আৰু সেৱা দলসমূহক ইয়াৰ সৈতে জড়িত কৰিছে।
এই উদযাপন কাৰ্যসূচী চাৰিটা সাপ্তাহিক বিষয়বস্তুৰ ওপৰত সজোৱা হ’ব: অনন্য পৰিৱেশ, অনন্য কৰ্মচাৰী, অনন্য গ্ৰাহক অভিজ্ঞতা আৰু অনন্য মেৰামতিৰ মানদণ্ড। এই কাৰ্য-কলাপসমূহৰ জৰিয়তে কৰ্মশালাৰ মানদণ্ড উন্নত কৰা, কাৰিকৰী দক্ষতা বৃদ্ধি কৰা, গ্ৰাহকৰ সৈতে যোগাযোগ উন্নত কৰা আৰু সমগ্ৰ সেৱা প্ৰক্ৰিয়াত গুণগত মানদণ্ড পৰীক্ষা অধিক শক্তিশালী কৰাৰ ওপৰত গুৰুত্ব দিয়া হ’ব।
এই পদক্ষেপৰ অধীনত সেৱা দল আৰু বাহনৰ গৰাকীসকলৰ মাজত সম্পৰ্ক অধিক সুদৃঢ় কৰিবলৈ বিশেষ প্ৰশিক্ষণ কাৰ্যসূচী, গ্ৰাহক সচেতনতা কৰ্মশালা, বাহনৰ স্বাস্থ্য পৰীক্ষা শিবিৰ আৰু গ্ৰাহকৰ মতামত গ্ৰহণৰ দৰে কাৰ্যসূচীও অন্তৰ্ভুক্ত কৰা হ’ব।
নিচানে জানিবলৈ দিয়া অনুসৰি এই পদক্ষেপে কেৱল বাহনখনৰ ক্ষেত্ৰতে নহয়, বৰঞ্চ গ্ৰাহকৰ বাহন ক্ৰয়ৰ পৰা আৰম্ভ হোৱা সমগ্ৰ যাত্ৰাটোৰ প্ৰতিটো বাৰ্তালাপতে গুণগত মানদণ্ড বৃদ্ধিৰ প্ৰতি থকা দায়বদ্ধতা প্ৰতিফলিত কৰিছে।