স্কোডা অটো ইণ্ডিয়াই ভাৰতীয় অটোমোটিভ খণ্ডত নিজৰ উপস্থিতি শক্তিশালী কৰাৰ বাবে এক বিস্তৃত ৰোডমেপ উন্মোচন কৰিছে, ২০২৫ক প্ৰতিষ্ঠানটোৱে “বৃহৎ বছৰ” হিচাপে লক্ষ্য কৰি লৈছে। বিশ্বজুৰি ১৩০ বছৰ আৰু ভাৰতত ২৫ বছৰ সম্পূৰ্ণ কৰা কোম্পানীটোৱে এক শক্তিশালী সামগ্ৰীসূচী, দ্ৰুত নেটৱৰ্ক সম্প্ৰসাৰণ আৰু বৰ্ধিত গ্ৰাহক সংযোগৰ জৰিয়তে বৃদ্ধি ত্বৰান্বিত কৰাৰ লক্ষ্য লৈছে। ব্ৰেণ্ড সঞ্চালক আশীষ গুপ্তাই ভাৰতৰ কৌশলগত প্ৰয়োজনীয়তাৰ ওপৰত গুৰুত্ব আৰোপ কৰি কয় যে, “ইউৰোপৰ বাহিৰত স্কোডা অটোৰ বাবে ভাৰত হৈছে আটাইতকৈ গুৰুত্বপূৰ্ণ বিকাশশীল বজাৰ। দৃষ্টিশক্তিৰ স্পষ্টতা আৰু কাৰ্যকৰীকৰণত সহজতাৰে ২০২৫-এ ভাৰতত আমাৰ বাবে এক বিশাল অগ্ৰগতিৰ সূচনা কৰিব।”
স্কোডাৰ আগ্ৰাসী প্ৰডাক্ট ষ্টেটেজী নিজৰ এছইউভি পৰ্টফলিঅ’ৰ সম্প্ৰসাৰণ কৰা হৈছে —বৰ্তমানৰ কাইলাক, কুশ্বাক, শ্লাভিয়া আৰু ক’ডিয়াকৰ দৰে মডেল আৰু আগন্তুক গ্ল’বেল মডেলৰ সৈতে শক্তিশালী চেডান বাহন সূচীৰে সাজু হৈছে। ব্ৰেণ্ডটোৱে ২০২৫ৰ শেষৰ ফালে ৩৫০টা গ্ৰাহকসেৱা কেন্দ্ৰৰ সৈতে ২০০তকৈও অধিক চহৰত উপনীত হোৱাৰ পৰিকল্পনা কৰিছে। গুৱাহাটীতো প্রিমিয়াম ইউৰোপীয় বাহনৰ চাহিদা বৃদ্ধি পাইছে, মহানগৰখনৰ গ্ৰাহকসকলে স্কোডাৰ বৰ্ধিত পদচিহ্নক ডিলাৰ আৰু গ্ৰাহক উভয়ে আদৰণি জনাইছে। নতুন সেৱা কেন্দ্ৰ আৰু শ্ব’ৰুমৰ সৈতে কোম্পানীটোৱে দ্বিতীয় পৰ্যায়ৰ বজাৰলৈ আগবাঢ়ি যোৱাত চহৰখনে এক গুৰুত্বপূৰ্ণ ভূমিকা পালন কৰিব বুলি আশা কৰা হৈছে।
স্কোডাই স্কোডা ছুপাৰকেয়াৰ, বৰ্ধিত ৱাৰেণ্টী আৰু নমনীয় সেৱা পেকেজৰ সৈতে মালিকীস্বত্বৰ অভিজ্ঞতাও বৃদ্ধি কৰি স্থায়ী গ্ৰাহকৰ আস্থা গঢ়ি তুলিছে।
