ভি বিজনেছে দ্বিতীয় সংস্কৰণৰ ‘ৰেডিফৰনেক্সট এমএছএমই গ্ৰওথ ইনচাইটছ ষ্টাডী, ২০২৪’ৰ যুগান্তকাৰী অন্তৰ্দৃষ্টি সগৌৰৱে প্ৰকাশ কৰিছে। বিশ্ব এমএছএমই দিৱসৰ দিনা প্ৰকাশ পোৱা এই অধ্যয়নত ১৬টা খণ্ডৰ ১.৬ লাখ এমএছএমইৰ সমীক্ষাত দেখা গ’ল যে ভাৰতৰ প্ৰায় ৬০% ক্ষুদ্ৰ, লঘু আৰু মজলীয়া উদ্যোগে ২০২৫ৰ ভিতৰত নিজৰ কাৰ্য-সেৱাসমূহ ডিজিটেলাইজ কৰাৰ পৰিকল্পনা কৰিছে। এই অধ্যয়নে এমএছএমইসমূহৰ মাজত ডিজিটেল পৰিপক্কতা বৃদ্ধিৰ ওপৰত আলোকপাত কৰিছে, ইয়াৰ গুৰি ধৰিছে আইটি-আইটিইএছ, বিত্তীয় সেৱা আৰু পৰিবহনৰ দৰে খণ্ডসমূহে। জ্ঞানৰ ব্যৱধান আৰু বিত্তীয় প্ৰতিবন্ধকতাৰ দৰে প্ৰত্যাহ্বানৰ মাজতো এমএছএমইসমূহে উৎপাদনশীলতা আৰু বজাৰত সুযোগ বৃদ্ধিৰ বাবে ক্লাউড কম্পিউটিং আৰু আইঅ’টিৰ দৰে প্ৰযুক্তিৰ সহায় লৈছে। উল্লেখযোগ্য যে, তথ্যপ্ৰযুক্তি আৰু আইটিইএছ, খুচুৰা আৰু নিৰ্মাণ খণ্ডৰ ৪০% খণ্ডই আইঅ’টি সমাধান গ্ৰহণ কৰিছে।
উত্তৰ-পূৰ্বাঞ্চলৰ বজাৰত, যেনে শ্বিলঙৰ ব্যৱসায়ীসকলো ডিজিটেল ৰূপান্তৰৰ বাবে সাজু হৈছে। এই অধ্যয়নে ডিজিটেল পদক্ষেপসমূহক আগুৱাই নিয়াত জ্যেষ্ঠ নেতৃত্বই লোৱা গুৰুত্বপূৰ্ণ ভূমিকাৰ ওপৰত আলোকপাত কৰিছে, লগতে বৰ্ধিত টাৰ্নঅ’ভাৰৰ সৈতে উচ্চ ডিজিটেলাইজেচনৰ সম্পৰ্ক কৰিছে।
তদুপৰি ভি বিজনেছে এমএছএমইসমূহক নিজৰ নিজৰ ডিজিটেল প্ৰস্তুতিৰ মূল্যায়নত সহায় কৰিবলৈ ইংৰাজী আৰু হিন্দী ভাষাত এটা বৰ্ধিত ডিজিটেল মূল্যায়ন সঁজুলি মুকলি কৰিছে। এই টুল হৈছে ভিৰ #ৰেডিফৰনেক্সট পদক্ষেপৰ অংশ, যিয়ে ব্যৱসায়সমূহত ডিজিটেল গ্ৰাহকৰ সংযোগ, কৰ্মক্ষেত্ৰত দক্ষতা আৰু সামগ্ৰিক ডিজিটেল কৌশলৰ বিষয়ে মূল্যায়ন কৰে। ভোডাফোন আইডিয়াৰ চীফ এণ্টাৰপ্ৰাইজ বিজনেছ অফিচাৰ অৰবিন্দ নেভাটিয়াই ভাৰতৰ ডিজিটেল অৰ্থনীতিক সমৰ্থন আৰু এমএছএমইসমূহক নিজৰ সমৃদ্ধিৰ সম্ভাৱনা মুকলি কৰাত সহায় কৰাৰ বাবে ভি বিজনেছৰ প্ৰতিশ্ৰুতিৰ বিষয়েও নিজৰ অভিমত প্ৰকাশ কৰিছে।