কোকাকোলা ইণ্ডিয়া আৰু ৰিলায়েন্স ৰিটেইলে ৰিভাৰ্ছ ভেণ্ডিং মেচিন আৰু কালেকচন বিন ব্যৱহাৰ কৰি মুম্বাইৰ ষ্ট’ৰসমূহত উপভোক্তা-পৰৱৰ্তী পিইটি সংগ্ৰহৰ ওপৰত গুৰুত্ব আৰোপ কৰি “ভুল না জানা, প্লাষ্টিক বটল লৌটানা” নামৰ এক বহনক্ষম পদক্ষেপ আৰম্ভ কৰিছে। বৃত্তাকাৰ অৰ্থনীতিৰ দৃষ্টিভংগীৰে চৰকাৰৰ স্বচ্ছ ভাৰত অভিযানৰ সৈতে সংগতি ৰাখি এই পাইলট প্ৰকল্পটো মুম্বাই আৰু দিল্লীৰ স্মাৰ্ট বজাৰ আৰু সহকাৰী ভাণ্ডাৰ ষ্ট’ৰকে ধৰি ৰিলায়েন্স ৰিটেইলৰ ৩৬টা ষ্ট’ৰত আৰম্ভ কৰিছে আৰু ২০২৫ চনৰ ভিতৰত পাইলট পৰ্যায়ত বাৰ্ষিক ৫,০০,০০০ পিইটি বটল সংগ্ৰহ কৰাৰ লক্ষ্যৰে সমগ্ৰ দেশত ২০০খন বিপণীলৈ সম্প্ৰসাৰিত হ’ব।
ছাণ্টা ক্ৰুজৰ ৰিলায়েন্স ৰিটেইলৰ স্মাৰ্ট বজাৰ ষ্ট’ৰত বৃহন্মুম্বাই পৌৰ নিগম(বিএমচি)ৰ স্পেচিয়েল ডিউটী অফিচাৰ (অ’এছডি), কঠিন আৱৰ্জনা ব্যৱস্থাপনা কাজী ইৰফানৰ উপস্থিতিত আৰম্ভ কৰা হয় এই প্ৰয়াস। এই বিষয়ে কোকা-কোলা ইণ্ডিয়া আৰু দক্ষিণ-পশ্চিম এছিয়াৰ গ্ৰাহক আৰু বাণিজ্যিক নেতৃত্ব বিভাগৰৰ উপাধ্যক্ষ গ্ৰিশ্মা সিঙে কয় যে, “ৰিটেইল খণ্ড, চৰকাৰ, নাগৰিক সমাজ আৰু এনে ধৰণৰ গ্ৰাহককেন্দ্ৰিক ধাৰণাসমূহৰ সৈতে অংশীদাৰিত্ব হৈছে সংগ্ৰহ, পুনঃব্যৱহাৰ আৰু পুনৰ ব্যৱহাৰৰ প্ৰগতিৰ বাবে এক শক্তিশালী গুণক।”
ইতিমধ্যে ইনষ্টল কৰা আৰভিএম আৰু কালেকচন বিনে গ্ৰাহকক কোকা-কোলা ইণ্ডিয়াৰ সামগ্ৰীসমূহত আকৰ্ষণীয় ৰেহাই মূল্যত ব্যৱহৃত পিইটি বটল জমা কৰাৰ সুবিধাজনক উপায় প্ৰদান কৰিব। ৰিলায়েন্স ইণ্ডাষ্ট্ৰীজে (আৰ আই এল) নিষ্কাশিত পিইটি বটল সংগ্ৰহ আৰু পুনঃব্যৱহাৰ কৰিব, যিয়ে দায়িত্বশীল আৱৰ্জনা ব্যৱস্থাপনাক প্ৰসাৰিত কৰাৰ লগতে মসৃণ আৱৰ্জনা সংগ্ৰহৰ সুবিধাও প্ৰদান কৰিব, যাৰ ফলত গ্ৰাহকসকলক পৰম্পৰাগত লিনিয়েৰ ইকনমি(ৰৈখিক অৰ্থনীতি)ৰ পৰা অধিক বহনক্ষম অৰ্থনীতিলৈ পৰিৱৰ্তন হ’ব।