শৈশৱ হৈছে দ্ৰুত বিকাশ আৰু বিকাশৰ সময়, কিন্তু কেতিয়াবা শিশুৱে বিভিন্ন কাৰণত পলম অনুভৱ কৰে বা সমস্যাৰ সন্মুখীন হ’ব লগা হয়, যাৰ ফলত অভিভাৱকসকলে অনিশ্চয়তা অনুভৱ কৰে আৰু মানসিক দ্বন্দ্ব বা চিন্তাৰ জালে আৱৰি ধৰে। বৃদ্ধিৰ স্তব্ধতা বিশ্বজুৰি এক সমস্যা, বিশ্বজুৰি পাঁচ বছৰৰ তলৰ ১৪.৯ কোটি শিশুৱে স্তব্ধ হৈ পৰিছে বা ৰৈ গৈছে। ৪০.৬ মিলিয়ন লোক স্তব্ধ হৈ পৰিছে ভাৰতত, এই অনুসৰি ভাৰতবৰ্ষই বিশ্বৰ প্ৰায় এক তৃতীয়াংশ বোজা বহন কৰি আছে। শিশুৱে নতুন দক্ষতা আৰু ক্ষমতা গঢ়ি তোলা প্ৰক্ৰিয়া, কেচ-আপ গ্ৰ’থ ষ্টাণ্টিং ৰোধৰ বাবে অতি গুৰুত্বপূৰ্ণ। নিজৰ সন্তানৰ বৃদ্ধিৰ যাত্ৰাত সহায়ক হোৱাত পিতৃ-মাতৃয়ে উল্লেখযোগ্য ভূমিকা পালন কৰিব পাৰে।
ভাগীৰথী নেওটিয়া মহিলা আৰু শিশু যত্ন কেন্দ্ৰৰ ডিচিএইচ, ডিএনবি, এমআৰচিপি, এমআৰচিপিএইচ ডাঃ শ্বমিক ঘোষে কয় যে, ”উচ্ছৃংখল বা ফুচফুচাই খোৱা সন্তানৰ অভিভাৱকসকলে নিজৰ আহাৰত মৌখিক পুষ্টিৰ পৰিপূৰক অন্তৰ্ভুক্ত কৰি শিশুসকলক খাদ্য পৰিকল্পনা আৰু ৰন্ধন প্ৰণালীত জড়িত কৰি খাদ্য গ্ৰহণৰ প্ৰতি আগ্ৰহ বৃদ্ধি কৰিবলৈ পৰামৰ্শ দিয়ে।” লগতে তেওঁ কয় যে, “আপেল আৰু তিয়ঁহৰ দৰে ফল-মূল আৰু শাক-পাচলিৰ সৈতে আমোদজনক আকৃতি সৃষ্টি কৰিবলৈ কুকি কাটাৰ ব্যৱহাৰ কৰি খাদ্যসমূহক অধিক আকৰ্ষণীয় কৰি তোলক অথবা পুৱাৰ আহাৰ আৰু ৰাতিৰ আহাৰত ৰঙীন বিভিন্ন খাদ্য পৰিৱেশন কৰক।”
পুষ্টিহীনতাৰ ফলত শিশুৰ বৃদ্ধি স্তব্ধ হৈ পৰে, যাৰ বাবে অতিৰিক্ত কেলৰি, প্ৰটিন আৰু মাইক্ৰ’নিউট্ৰিয়েণ্ট(অণুপুষ্টি)ৰ প্ৰয়োজন হয়। শাৰীৰিক সক্ৰিয়তাক উৎসাহিত কৰা আৰু পুষ্টিকৰ খাদ্য গ্ৰহণ কৰাটো বৃদ্ধি আৰু বিকাশৰ বাবে অতি গুৰুত্বপূৰ্ণ। সুস্থ বৃদ্ধি আৰু বিকাশৰ বাবে পুষ্টিৰ উপস্থিতি বা হস্তক্ষেপ অতি প্ৰয়োজনীয়। শিশুৰ বিকাশৰ বাবে বিভিন্ন স্বাস্থ্যকৰ খাদ্য আৰু পুষ্টিৰ সৈতে এক সু-সন্তুলিত আহাৰ অত্যাৱশ্যকীয়। এই স্বাস্থ্যকৰ অভ্যাসবোৰৰ সৈতে আপোনাৰ সন্তানৰ বিকাশ নিশ্চিত কৰাৰ বাবে ইয়াত কিছুমান পৰামৰ্শ দিয়া হল:
১) আপোনাৰ সন্তানৰ বিকাশত সহায় কৰিবলৈ জোখ-মাখ আৰু নিৰীক্ষণ কৰক: আপোনাৰ সন্তানৰ বিকাশ নিয়মীয়াকৈ নিৰীক্ষণ কৰক, বিশেষকৈ ২-৬ বছৰীয়া শিশুৰ বাবে প্ৰতি তিনি মাহৰ মূৰে মূৰে গ্ৰওথ(বিকাশ)ডায়েৰী বা ট্ৰেকাৰৰ দৰে সঁজুলি ব্যৱহাৰ কৰক। সঠিক জোখ-মাপে বিকাশৰ বিষয়ে বুজি পোৱাত আৰু অনুসৰণ কৰাত সহায় কৰে, লগতে বিকাশৰ অভাৱ বা বাধাগ্ৰস্ততা সোনকালে চিনাক্ত কৰি অভিভাৱকসকলক তাৎক্ষণিক পদক্ষেপ ল’বলৈ সক্ষম কৰি তোলে।
২) সঠিকভাৱে খাওক: সামগ্ৰিক বিকাশত সহায় কৰিবলৈ এক সন্তুলিত আহাৰ প্ৰদান কৰক য’ত খাদ্যশস্য, মাহজাতীয় শস্য, গাখীৰ, মাংস, ফলমূল আৰু শাক-পাচলি দৈনিক অন্তৰ্ভুক্ত থাকে। ই নিশ্চিত কৰে যে আপোনাৰ সন্তানে সুস্থ হাড়ৰ বিকাশৰ বাবে প্ৰয়োজনীয় প্ৰ’টিন, ভিটামিন আৰু খনিজ পদাৰ্থ লাভ কৰাটো নিশ্চিত হয়।
৩)ব্যায়াম: শিশুৰ বাবে এক সন্তুলিত খেলৰ ৰুটিন(সূচী) ৰূপায়ণ, স্ক্ৰীন টাইম(টিভি-মোবাইল চোৱা সময়) সীমিত কৰা, ‘গেজেট-মুক্ত’ ছুটীৰ প্ৰচাৰ কৰা আৰু দৈনিক কমেও ৩ ঘণ্টা শাৰীৰিক কাৰ্য্যকলাপত লিপ্ত হোৱাটো নিশ্চিত কৰা, যেনে সাঁতোৰ, দৌৰা, স্কিপিং, খোজ কঢ়া বা নৃত্য কৰা নিশ্চিত কৰা, যাতে হাড়ৰ স্বাস্থ্য বা অৱস্থা উন্নত হয়।
