ভাৰতৰ প্ৰধান কৰ্কট চিকিৎসা আৰু গৱেষণা কেন্দ্ৰ টাটা মেম’ৰিয়েল চেণ্টাৰলৈ আইচিআইচিআই বেংকে ১২০০ কোটি টকাৰ প্ৰতিশ্ৰুতি দিছে। চি এছ আৰ পুঁজিৰ জৰিয়তে মহাৰাষ্ট্ৰ, পঞ্জাৱ, আৰু অন্ধ্ৰ প্ৰদেশৰ টিএমচি চিকিৎসালয়ত তিনিটা নতুন অত্যাধুনিক ব্লক স্থাপন কৰা হ’ব।
২০২৭ চনৰ ভিতৰত সম্পূৰ্ণ হোৱাৰ আশা কৰা এই পদক্ষেপে বছৰি প্ৰায় ২৫ হাজাৰ নতুন ৰোগীক উন্নত অংক’লজী চিকিৎসা প্ৰদান কৰিব। বেংকৰ চি এছ আৰ শাখা আই চি আই চি আই ফাউণ্ডেচনে টাটা মেম’ৰিয়েল হাস্পতালত আই চি আই চি আই এম আৰ আই সুবিধাও উদ্বোধন কৰিব।
আইচিআইচিআই ফাউণ্ডেচনে বিভিন্ন পদক্ষেপৰ জৰিয়তে ১০.৯ মিলিয়নতকৈ অধিক হিতাধিকাৰীক প্ৰভাৱিত কৰিছে। এই কেন্দ্ৰসমূহে কেমোথেৰাপি, হাড়ৰ মজ্জা প্ৰতিস্থাপন, ৰেডিয়’থেৰাপি, ইমিউন’থেৰাপীকে ধৰি উন্নত চিকিৎসা পদ্ধতি প্ৰদান কৰিব। এই কেন্দ্ৰসমূহে দেশৰ দক্ষিণ আৰু উত্তৰ প্ৰান্তত আঞ্চলিক ৰেফাৰেল কেন্দ্ৰ হিচাপেও কাম কৰিব।
