আগন্তুক ‘পাঠান’ চিনেমাক লৈ উত্তাল বিতৰ্কৰ মাজতে দেওবাৰে অসমৰ মুখ্যমন্ত্ৰী হিমন্ত বিশ্ব শৰ্মাই কয় যে বলীউডৰ অভিনেতা শ্বাহৰুখ খানে নিশা তেওঁক ফোন কৰি তেওঁৰ ছবিখন মুক্তিৰ বিৰোধিতা কৰি গুৱাহাটীত এটা সংগঠনৰ প্ৰতিবাদৰ খবৰক লৈ উদ্বেগ প্ৰকাশ কৰে।
মুখ্যমন্ত্ৰী শৰ্মাই কয় যে তেওঁৰ ছবি মুক্তিৰ সময়ত ৰাজ্য চৰকাৰে আইন-শৃংখলা বজাই ৰাখিব আৰু এনে কোনো ঘটনা সংঘটিত হোৱাটো নিশ্চিত কৰিব বুলি শ্বাহৰুখ খানক আশ্বাস দিয়ে।
দেওবাৰে টুইটযোগে হিমন্ত বিশ্ব শৰ্মাই কয় যে, “বলীউডৰ অভিনেতা শ্বাহৰুখ খানে মোক ফোন কৰি আজি পুৱা ২ বজাত আমি কথা পাতিলোঁ। তেওঁ নিজৰ ছবি প্ৰদৰ্শনৰ সময়ত গুৱাহাটীত হোৱা এটা ঘটনাক লৈ উদ্বেগ প্ৰকাশ কৰে।”
তেওঁ আশ্বাস দিয়ে যে যদিহে আইন-শৃংখলা উলংঘাৰ কোনো কাণ্ডৰ বাতৰি পোৱা যায় তেন্তে ৰাজ্য চৰকাৰে ব্যৱস্থা গ্ৰহণ কৰিব।
তেওঁ লগতে কয় যে মই তেওঁক আশ্বাস দিছো যে আইন-শৃংখলা বজাই ৰখাটো ৰাজ্য চৰকাৰৰ কৰ্তব্য।
“একচন লোৱা হ’ব, আইন-শৃংখলা উলংঘা হ’লে। এতিয়ালৈকে চিনেমা হলৰ মালিক বা ছবিখনৰ নিৰ্মাতাসকলৰ পৰা কোনো অভিযোগ পোৱা নাই। যদি কোনো কাণ্ড হৈছে, তেন্তে শ্বাহৰুখ খানে, নিজেই মোক ফোন কৰা উচিত আছিল।” যদি তেওঁ তেনে কৰে তেন্তে মই বিষয়টো চাম।’-অসমৰ মুখ্যমন্ত্ৰীয়ে আৰু কয়।
উল্লেখযোগ্য যে শুকুৰবাৰে শ্বাহৰুখ খান অভিনীত ছবি ‘পাঠান’ মুক্তিৰ বিৰুদ্ধে অসমৰ এটা সংগঠনৰ কথিত প্ৰতিবাদৰ প্ৰতিক্ৰিয়া প্ৰকাশ কৰি অসমৰ মুখ্যমন্ত্ৰী হিমন্ত বিশ্ব শৰ্মাই কয় যে তেওঁ শ্বাহৰুখ খানক চিনি নাপায় আৰু ‘পাঠান’ চিনেমাখনৰ বিষয়েও তেওঁ অৱগত নহয়।
শনিবাৰে সংবাদমেল সম্বোধন কৰি শৰ্মাই কয় যে শ্বাহৰুখ খান কোন? আমি কিয় গুৰুত্ব দিম? ইতিমধ্যে আমাৰ বহু শ্বাহৰুখ খান আছে?
ইয়াৰ পূৰ্বে শুকুৰবাৰে তেওঁ কয় যে ইয়াৰ পৰিৱৰ্তে মানুহে অসমীয়া ছবি ‘ড° বেজাবৰুৱা ২’ মুক্তিৰ কথা ক’ব লাগে।
মুখ্যমন্ত্ৰী শৰ্মাই কয় যে মই ‘পাঠান’ নামৰ কোনো চিনেমাৰ কথা শুনা নাই আৰু ইয়াৰ বাবেও মোৰ হাতত সময় নাই।
