পাঁচবাৰৰ চেম্পিয়ন ন’ভাক জক’ভিচে কোৰোনা ভাইৰাছৰ টিকাকৰণ নকৰা স্বত্বেও ৰোমলৈ আহি ইটালিয়ান অ’পেনত খেলিব পাৰে। ইটালীৰ টেনিছ ফেডাৰেচনৰ সভাপতিজনে বুধবাৰে এই কথা কয়। ফেডাৰেচনৰ সভাপতি এঞ্জেলো বিনাঘিয়ে ৮ ৰ পৰা ১৫ মে’লৈ চলিব লগা প্ৰতিযোগিতাখনৰ সন্দৰ্ভত কয় যে প্ৰতিযোগিতাখনত খেলুৱৈসকলৰ অংশগ্ৰহণ সম্পৰ্কীয় নিয়ম চৰকাৰ আৰু এটিপিয়ে প্ৰস্তুত কৰিছে। বিনাঘিয়ে কয় যে তেওঁ ইটালী চৰকাৰৰ কেবিনেটত ক্ৰীড়াৰ দায়িত্বত থকা আণ্ডাৰ চেক্ৰেটেৰী ভেলেণ্টিনা ভেজালিৰ সৈতে বিষয়টো আলোচনা কৰিছিল। এই সময়ত, ইটালীত নামভৰ্তিৰ নিয়ম অনুসৰি ক’ভিড-১৯ টিকাকৰণ, সংক্ৰমণৰ পৰা আৰোগ্য হোৱা বা নিকেটিভ পৰীক্ষাৰ প্ৰমাণৰ প্ৰয়োজন।
