৪০০ কিলোমিটাৰ দূৰত্বৰ মহাকাশ কেন্দ্ৰৰ পৰাই আমেৰিকাৰ ৰাষ্ট্ৰপতি নিৰ্বাচনত ভোটদান কৰিব সুনীতা উইলিয়ামছ-বাচ্চ উইলমোৰে

১০০ দিন ধৰি মহাকাশত আৱদ্ধ হৈ থকা ভাৰতীয় বংশোদ্ভূত মহাকাশচাৰী সুনীতা উইলিয়ামছ আৰু তেওঁৰ সংগী বাচ্চ উইলমোৰে আন্তঃৰাষ্ট্ৰীয় মহাকাশ কেন্দ্ৰৰ (আইএছএছ) পৰা এখন সংবাদমেল সম্বোধন কৰে। ভাৰতীয় সময় অনুসৰি শুকুৰবাৰে নিশা ১২.১৫ বজাত সংবাদমেল সম্বোধন কৰে। সুনীতা আৰু বাচ্চে সাংবাদিকৰ বহুতো প্ৰশ্নৰ উত্তৰ দিয়ে। দুয়োজনে কয় যে তেওঁলোকে আমেৰিকা যুক্তৰাষ্ট্ৰৰ নিৰ্বাচনত মহাকাশৰ পৰা ভোট দিব। ভোটদান সন্দৰ্ভত এক প্ৰশ্নৰ উত্তৰত বাচ্চে কয় কয়-তেওঁলোকে আজি ভোটদান প্ৰক্ৰিয়া আৰম্ভ কৰিছে। এইটো এটা জৰুৰী কৰ্তব্য। আমি কেনেকৈ ভোট দিব পাৰোঁ তাৰ ওপৰত নাছাই কাম কৰি আছে। সুনীতা উইলিয়ামছে কয় যে তেওঁ মহাকাশৰ পৰা ভোট দিয়াৰ বাবে উৎসাহিত। ৪০০ কিলোমিটাৰ দূৰত থকা মহাকাশ কেন্দ্ৰৰ পৰা, সুনীতা আৰু
বাচ্চে কয় যে তেওঁলোকে আমেৰিকা যুক্তৰাষ্ট্ৰৰ নিৰ্বাচনত ভোট দান কৰিবলৈ নাছাক এটা পষ্টেল বেলটৰ ব্যৱস্থা কৰিবলৈ অনুৰোধ জনাইছোঁ। উল্লেখ্য যে সুনীতা আৰু বুচ্চে ৫ জুনত মহাকাশ আস্থানলৈ উৰা মাৰিছিল। তেওঁলোক ৬ জুনত মহাকাশ কেন্দ্ৰত উপস্থিত হৈছিল। তেওঁলোক ১৩ জুনত উভতি অহাৰ কথা আছিল। অৱশ্যে, নাছাৰ বোয়িং ষ্টাৰলাইনাৰ মহাকাশযানৰ কাৰিকৰী ত্ৰুটিৰ বাবে তেওঁলোকৰ উভতি অহা পিছুৱাই দিয়া হৈছিল। এতিয়া দুয়ো ২০২৫ চনতহে ঘূৰি অহাৰ সম্ভাৱনা আছে। সুনীতা আৰু তেওঁৰ সংগী বুচ্চক মহাকাশ কেন্দ্ৰলৈ লৈ যোৱা মহাকাশযানখন ৩ মাহৰ পিছত ৭ ছেপ্টেম্বৰত সুৰক্ষিতভাৱে অৱতৰণ কৰিছিল। ই ৩ টা ডাঙৰ পেৰাচুট আৰু এয়াৰবেগৰ সহায়ত অৱতৰণ কৰিছিল। নাছাৰ মতে, শনিবাৰে ভাৰতীয় সময় অনুসৰি পুৱা ৩:৩০ বজাত মহাকাশযানখন আন্তৰ্জাতিক মহাকাশ কেন্দ্ৰৰ (আইএছএছ) পৰা পৃথক হয়। পৃথিৱী পাবলৈ প্ৰায় ৬ ঘণ্টা সময় লাগিছিল। ই আমেৰিকা যুক্তৰাষ্ট্ৰৰ নিউ মেক্সিকোৰ হোৱাইট চেণ্ড স্পেচ হাৰ্বাৰ (মৰুভূমি)ত অৱতৰণ কৰিছিল। বোয়িং কোম্পানীয়ে নাছাৰ বাবে এই মহাকাশযানখন নিৰ্মাণ কৰিছিল।