দেওবাৰে হাৰিয়ানাৰ শোণিতাত প্ৰায় ২০ জনীয়া দুৰ্বৃত্তৰ এটা দলে মছজিদ ভাঙি নামাজ আদায় কৰি থকা লোকসকলক আক্ৰমণ কৰে।
খবৰ অনুসৰি, এই ঘটনা সংঘটিত হৈছে চন্দল কালান গাঁৱত, য’ত একেখন গাঁৱৰ আক্ৰমণকাৰীয়ে মছজিদ ভাঙি লণ্ডভণ্ড কৰে।
গাঁওখনৰ জনগোষ্ঠীটোৱে নিৰ্মাণ কৰা এটা সৰু মছজিদত ৰাইজে ৰমজানৰ নামাজ পঢ়াৰ সময়তে প্ৰায় ২০ জন অস্ত্ৰধাৰী লোকে আক্ৰমণ কৰে।
হাতত লাঠী লৈ গাঁৱৰ ৰাজপথত ঘূৰি ফুৰা কেইখনমান ছবি পোহৰলৈ আহিছে।
অৱশ্যে এই আক্ৰমণৰ আঁৰৰ কাৰণ এতিয়াও স্পষ্ট হোৱা নাই।
ইফালে, এই গোচৰৰ সৈতে জড়িত ১৯জন লোকৰ বিৰুদ্ধে এফআইআৰ দাখিল কৰি এই গোচৰত ১৬জন লোকক আটক কৰিছে আৰক্ষীয়ে।
এই আক্ৰমণত নামাজ আগবঢ়াই থকা কমেও ৯ জন লোক আহত হয় আৰু তেওঁলোকক চিকিৎসাৰ বাবে শোণিত অসামৰিক চিকিৎসালয়ত ভৰ্তি কৰোৱা হয়।
আহত সকলক ইস্তাক আলী, আলামীৰ, ছাবিৰ আলী, ফৰিয়াদ, আনছাৰ আলী, জুলেখা, আলী তাব, নৰ্গিছ আৰু জাৰিনাক চিনাক্ত কৰা হৈছে।
কোনো আইন-শৃংখলাৰ পৰিস্থিতি যাতে নহয় তাৰ বাবে ততাতৈয়াকৈ ঘটনাস্থলীত আৰক্ষী মোতায়েন কৰা হয়।
