লণ্ডনস্থিত উপভোক্তা প্ৰযুক্তি ব্ৰেণ্ড নাথিংয়ে মুকলি কৰিছে ইয়েৰ(2), যি হৈছে প্ৰকৃত ৱায়াৰলেচ ইয়াৰবাডচ্-ৰ এটা ছেট যি অভিজাত অভিযান্ত্ৰিকতাযুক্ত নাথিঙৰ আইকনিক স্বচ্ছ ডিজাইন আৰু চূড়ান্ত অডিঅ’ অভিজ্ঞতাৰ বাবে পৰৱৰ্তী পৰ্যায়ৰ ব্যক্তিগতকৰণ উদযাপন কৰে। ইয়েৰ(২)-য়ে এক বিশ্বস্ত ধ্বনি অভিজ্ঞতা, হাই-ৰেছ অডিঅ’ প্ৰমাণপত্ৰ আৰু এলএইচডিচি ৫.০ প্ৰযুক্তি প্ৰদান কৰে। ব্যৱহাৰকাৰীসকলে নাথিং এক্স এপ্প্-ৰ জৰিয়তে এটা শ্ৰৱণ পৰীক্ষা সম্পূৰ্ণ কৰি তেওঁলোকৰ নিজা ব্যক্তিগত ধ্বনি প্ৰ’ফাইলো সৃষ্টি কৰি ল’ব পাৰে।
ইয়েৰ(২)-য়ে তাৰ পিছত সেইমতে ধ্বনিৰ শ্ৰেষ্ঠ মানদণ্ডৰ বাবে বাস্তৱ-সময়ত ইকুইলাইজাৰ ছেটিংছ মিলাই ল’ব। ইয়াৰবাডচ্ যোৰত গভীৰ, শক্তিশালী বে’চ আৰু স্ফটিকসদৃশ-পৰিষ্কাৰ উচ্চতাৰ বাবে ১১.৬ মিমি কাষ্টম ড্ৰাইভাৰ থাকে, আৰু এক নতুন ডুৱেল-চেম্বাৰ ডিজাইনে মসৃণ বায়ুপ্ৰবাহৰ সৈতে সামগ্ৰিক শব্দৰ মানদণ্ড উন্নত কৰে। তদুপৰি, ইয়েৰ(২)-ত আছে সহজ ডিভাইচ চুইচ্চিঙৰ বাবে দ্বৈত সংযোগ পদ্ধতি(ডুৱেল কনেকশ্যন), উন্নত বায়ু-প্ৰতিৰোধী আৰু ভিৰ-প্ৰতিৰোধী স্পষ্ট শব্দ প্ৰযুক্তি, আৰু ব্যক্তিগতকৃত সক্ৰিয় কোলাহল বাতিলকৰণ(নইজ কেনচেলেশ্যন) যি এগৰাকী ব্যৱহাৰকাৰীৰ কাণৰ নলীৰ অনন্য আকৃতিৰ সৈতে খাপ খাই পৰে।
নাথিং-ৰ মুখ্য কাৰ্যবাহী বিষয়া আৰু সহ-প্ৰতিষ্ঠাপক কাৰ্ল পে’ই-য়ে এনেদৰে কয়, “ইয়েৰ(২)-ত, আমি একেবাৰে তলৰ স্তৰৰপৰা সকলোবোৰ পুনৰ নিৰ্মাণ কৰিছোঁ আৰু চূড়ান্ত ব্যক্তিগত শ্ৰৱণ অভিজ্ঞতা প্ৰদান কৰিবৰ বাবে অত্যাধুনিক প্ৰযুক্তি ব্যৱহাৰ কৰিছোঁ।” ইয়েৰ(২)-ৰ মূল্য বিশ্বব্যাপী £১২৯/$১৪৯ হ’ব আৰু ভাৰতত ৯,৯৯৯ টকা মূল্যত মুকলি কৰা হ’ব। ইয়েৰ(২) ফ্লিপকাৰ্ট, মিন্ট্ৰা আৰু নিৰ্বাচিত অফলাইন ষ্টোৰত ভাৰতীয় সময়মতে ২৮ মাৰ্চৰ দুপৰীয়া ১২ বজাৰ পৰা উপলব্ধ হ’ব।
