দিল্লীৰ মুখ্যমন্ত্ৰী তথা আম আদমী পাৰ্টিৰ ৰাষ্ট্ৰীয় আহ্বায়ক অৰবিন্দ কেজৰিৱালে মাৰ্চ মাহৰ প্ৰথমাৰ্ধত অসমত উপস্থিত হোৱাৰ কথা সোমবাৰে ৰাজ্যিক দলৰ নেতাসকলে অৱগত কৰে।
আপৰ ৰাষ্ট্ৰীয় সাধাৰণ সম্পাদক সন্দীপ পাঠকৰ সৈতে অসম ভ্ৰমণ কৰিব কেজৰিৱালে।
সূত্ৰ অনুসৰি, দলটোৰ ৰাজ্যিক ইউনিটৰ জ্যেষ্ঠ নেতাৰ এটা দলৰ সৈতে ভবেন চৌধুৰীয়ে নতুন দিল্লীত অৰবিন্দ কেজৰিৱাল আৰু সন্দীপ পাঠকৰ সৈতে বৈঠকত মিলিত হয়। দলটোৱে কেজৰিৱাল চৰকাৰে আৰম্ভ কৰা কেইবাটাও উন্নয়নমূলক প্ৰকল্পৰ বুজ লয়, য’ত মোহল্লা ক্লিনিক আৰু দিল্লী চৰকাৰী বিদ্যালয়ক দিয়া ফেচলিফ্ট আদিৰ বুজ লয়।
দলটোৰ ৰাজ্যিক যুটীয়া সমন্বয়ক লক্ষ্মীকান্ত ডুবেয়ে উল্লেখ কৰে যে, সন্দীপ পাঠকৰ সৈতে অৰবিন্দ কেজৰিৱালে অসমলৈ আহিলেই স্বয়ংক্ৰিয়ভাৱে ৰাজ্যৰ আপ সংগঠনক স্বতঃস্ফূৰ্ত বুষ্ট আগবঢ়াব।
অসমত থকা সময়ছোৱাত এই যুটিয়ে পঞ্চায়ত নিৰ্বাচন আৰু লোকসভা নিৰ্বাচন আগুৱাই নিয়াৰ বাবে ৰোডমেপ নিৰ্ধাৰণ কৰিব বুলিও তেওঁ লগতে কয়।
কেজৰিৱালে এতিয়া কেইবাবছৰ ধৰি অসমলৈ অহা নাই। তেওঁৰ পৰৱৰ্তী নিৰ্ধাৰিত ভ্ৰমণ আনুষ্ঠানিকভাৱে মুখ্যমন্ত্ৰীৰ পদত অধিষ্ঠিত হোৱাৰ পিছত অসম ভ্ৰমণৰ প্ৰথমটো হ’ব।
বিগত বৰ্ষৰ গুৱাহাটী পৌৰ নিগমৰ নিৰ্বাচনত দলটোৰ সফলতাৰ পিছত এতিয়া আপৰ ৫১ জনীয়া পূৰ্ণাংগ ৰাজ্যিক দলৰ উপৰিও সকলো জিলাতে সমিতি আছে।
