ভাৰতৰ ২০ বছৰীয়া মহিলা ফুটবল খেলুৱৈ মনীষা কল্যাণে ইতিহাস ৰচনা কৰিছে। তেওঁ উৱেফা মহিলা চেম্পিয়নছ লীগত খেলা দেশৰ প্ৰথম গৰাকী মহিলা খেলুৱৈ হৈ পৰিছে। মাকাৰিঅ ষ্টেডিয়ামত আপোলান লেডিজ এফ চিৰ হৈ খেলি মনীষাই এই কৃতিত্ব অর্জন কৰিছে। মনীষা ভাৰতৰ অন্যতম তাৰকা ফুটবলাৰ। যোৱা এবছৰত, তেওঁ বহুতো আশ্চৰ্যকৰ প্ৰদৰ্শন দাঙি ধৰিছে। দৰাচলতে, বৃহস্পতিবাৰে মহিলা চেম্পিয়নছ লীগত, এপ’লনে লাটভিয়ান ক্লাব ৰিগাছ এফ চিৰ মুখামুখি হৈছিল। এই কোৱালিফাইং মেচখনত, মনীষাই ৬০ মিনিটত চাইৰাছৰ মাৰিলনে জৰ্জিয়াৰ ঠাইত বিকল্প হিচাপে খেলিবলৈ সুযোগ পাইছিল। এই খেলখনত আপোলানে ৰিগাছক ৩-০ গ’লত পৰাস্ত কৰে। যদিও মনীষাই কোনো গ’ল কৰিব নোৱাৰিলে, তেওঁ এই ইউৰোপীয় লীগত খেলপথাৰত অৱতীৰ্ণ হৈ ইতিহাস সৃষ্টি কৰিছে। মনীষা ভাৰতৰ পৰা বিদেশী লীগত খেলা চতুৰ্থগৰাকী খেলুৱৈ। ভাৰতীয় মহিলা লীগত গোকুলম কেৰালাৰ হৈ মনীষাই সুন্দৰ প্ৰদৰ্শন কৰিছিল। ইয়াৰ লগতে ভাৰতীয় ৰাষ্ট্ৰীয় ফুটবল দলতো তেওঁৰ প্ৰদৰ্শন উৎকৃষ্ট আছিল। ইয়াৰ পৰিপ্ৰেক্ষিতত, তেওঁক এই লীগৰ বাবে নিৰ্বাচিত কৰা হৈছিল। ভাৰতীয় মহিলা ফুটবল (আইডব্লিউএল) লীগৰ অন্তিম ছিজনত মনীষা ‘প্লেয়াৰ অফ দ্য চিজন’ আছিল। সেই প্ৰতিযোগিতাখনত মনীষাই মুঠ ১৪ টা গ’ল কৰিছিল। মনীষাৰ সৌজন্যে, গোকুলাম কেৰালাইও প্ৰথম আইডব্লিউএল খিতাপ জিকিছিল। ইয়াৰ উপৰিও, মনীষাক এই বছৰ এআইএফএফ মহিলা ‘বৰ্ষৰ ফুটবলাৰ’ হিচাপেও নিৰ্বাচিত কৰা হৈছিল। ২০২১ চনত, মনীষা ‘ইমাৰ্জিং প্লেয়াৰ অফ দা ইয়েৰ’ হৈছিল।
