এতিয়া বিৰোধীৰ ইণ্ডিয়া মিত্ৰজোঁটৰ গুৰুত্বপূৰ্ণ অংশ মমতা বেনাৰ্জী। ৰাহুল গান্ধীৰ মন্তব্যই পুনৰ জল্পনা-কল্পনাৰ ইন্ধন যোগাইছে। আকৌ এবাৰ কংগ্ৰেছ নেতাগৰাকীয়ে প্ৰকাশ কৰিলে মমতাক লৈ মিত্ৰতাৰ বাৰ্তা। তেওঁ কোৱা শুনা যায় যে মমতা এতিয়াও ইণ্ডিয়া মিত্ৰতাৰ এক উল্লেখযোগ্য অংশ।
ৰাহুলে সংবাদ সংস্থা এএনআইৰ সৈতে হোৱা এক সাক্ষাৎকাৰত তেওঁ কয় যে, ”মমতা ইণ্ডিয়া এক উল্লেখযোগ্য অংশ। বাকী থকা অধিকাংশ সদস্য এতিয়াও মিত্ৰজোঁটৰ অংশ। মিত্ৰতা ত্যাগ কৰি বিজেপিত যোগদান কৰিছে নীতিশ কুমাৰে। তেওঁ কিয় মিত্ৰতা এৰিলে সেয়া বুজিব পাৰিব। তেওঁ ঠিকেই আছে আমি বিহাৰতো সৰ্বভাৰতীয় মিত্ৰতা হিচাপে যুঁজিম গতিকে মই এই কথাত একমত নহয় যে আমাৰ বহু অংশীদাৰ এতিয়া মিত্ৰতাৰ অংশ নহয়।”
মন কৰিবলগীয়া যে ৰাহুলে আগতেও এনেধৰণৰ কথা কোৱা দেখা গৈছে। শেহতীয়াকৈ গুৱাহাটীৰ পৰা কংগ্ৰেছ নেতা ৰাহুলে কয় যে মমতা বেনাৰ্জীৰ সৈতে মোৰ ব্যক্তিগত আৰু দলৰ সৈতে ভাল সম্পৰ্ক আছে। সৰু সৰু সমস্যা আছে। কিন্তু সমস্যা যিয়েই নহওক, ইয়াৰ সমাধান হ’ব। মমতাৰ লগত মিত্ৰতাত আত্মবিশ্বাসী দেখুৱায়। এইবাৰ তেওঁ পুনৰ মিত্ৰতাৰ বাৰ্তা দিয়া দেখা গ’ল।
