মণিপুৰ আৰক্ষীয়ে মঙলবাৰে আছাম ৰাইফলছৰ বিৰুদ্ধে এফআইআৰ ৰুজু কৰে। যোৱা সপ্তাহত দুয়োটা সেনা গোটৰ মাজত হোৱা উত্তপ্ত কাজিয়াৰ পিছত তেওঁলোকৰ বাহন অৱৰোধ কৰি ৰখাৰ অভিযোগ উত্থাপন কৰি এই গোচৰ ৰুজু কৰে আৰক্ষীয়ে। অসম ৰাইফলছৰ বিৰুদ্ধে ৰাজহুৱা সেৱাৰ নিষ্পত্তিত ৰাজহুৱা সেৱকক বাধা দিয়াৰ অভিযোগ উত্থাপন হৈছে।
উল্লেখ্য যে যোৱা ৩ আগষ্টত বিষ্ণুপুৰ জিলাৰ কোৱাকটা গোথোল পথত আছাম ৰাইফলছে আৰক্ষীৰ বাহন অৱৰোধ কৰিছিল।
এই ঘটনাৰ ভিডিঅ’ ছ’চিয়েল মিডিয়াত ভাইৰেল হৈ পৰে য’ত মণিপুৰৰ কাংপোকপি জিলাৰ কেইবাগৰাকীও কুকি মহিলাই কান্দি কান্দি, প্ৰাৰ্থনা কৰা আৰু ইম্ফলৰ মেইটেই সংখ্যাগৰিষ্ঠতাৰ গাঁওখন এৰি নাযাবলৈ আছাম ৰাইফলছৰ সৈন্যক অনুৰোধ কৰা দেখা যায়।
কাংপোকপি জিলা সদৰৰ পৰা ১৭ কিলোমিটাৰ নিলগৰ গামগিফাই গাঁৱতো ১২ ঘণ্টীয়া ধর্মঘট পালন কৰা দেখা গ’ল মহিলাসকলে৷
ৰাজ্য চৰকাৰে অসম ৰাইফলছৰ জোৱানক কাংপোকপি জিলাৰ পৰা চুৰাচান্দপুৰলৈ স্থানান্তৰিত কৰিবলৈ নিৰ্দেশ দিয়া বুলি জানিব পাৰি মহিলা সকলে সমবেত হৈ আছাম ৰাইফলছৰ ওচৰত কাতৰ অনুৰোধ জনাইছে।
ইফালে ইম্ফল পূৱ আৰু পশ্চিম জিলাৰ প্ৰশাসনে মঙলবাৰে সান্ধ্য আইনৰ শিথিলতা দুঘণ্টা বৃদ্ধি কৰে।
ইম্ফল পূব আৰু ইম্ফল পশ্চিমত পুৱা ৫ বজাৰ পৰা বিয়লি ২ বজালৈ সান্ধ্য আইন শিথিল কৰা হৈছে বুলি বিষয়াসকলে জানিবলৈ দিয়ে।
৩ মে’ত মণিপুৰত জনগোষ্ঠীয় সংঘৰ্ষৰ পিছতে পাহাৰীয়া জিলাসমূহত জনজাতীয় সংহতি মাৰ্চ’ আয়োজন কৰি মেইটেই সম্প্ৰদায়ৰ অনুসূচিত জনজাতি (এছটি)ৰ মৰ্যাদাৰ দাবীৰ প্ৰতিবাদত ১৬০ জনতকৈ অধিক লোকে প্ৰাণ হেৰুৱাইছে আৰু কেইবাশ লোক আহত হৈছে।
মণিপুৰৰ জনসংখ্যাৰ প্ৰায় ৫৩ শতাংশ মেইটেইসকলে অধিকাংশই ইম্ফল উপত্যকাত বাস কৰে। জনজাতীয় নগা আৰু কুকিসকলৰ সংখ্যা ৪০ শতাংশতকৈ অলপ বেছি আৰু তেওঁলোকে পাহাৰীয়া জিলাসমূহত বাস কৰে।
