নিশা কলিয়াবৰৰ বুঢ়াপাহাৰত পথ ভয়ংকৰ দুৰ্ঘটনা।
বুঢ়াপাহাৰৰ ৩৭নং ৰাষ্ট্ৰীয় ঘাইপথৰ পৰা বাগৰি পৰিল ছুইফ্ট ডিজিয়াৰ বাহন।
বুঢ়াপাহাৰৰ এনিমেল ভিউ পইণ্টত সংঘটিত হয় দুৰ্ঘটনাটো।
নিয়ন্ত্ৰণ হেৰুৱাই প্ৰায় ত্ৰিশ ফুট দ খাৱৈত বাগৰি পৰে বাহনখন।
ফলত দপদপকৈ জ্বলি উঠে ছুইফ্ট ডিজিয়াৰ বাহনখন। বাহনখনৰ ভিতৰতে অগ্নিদগ্ধ হৈ চালকৰ মৃত্যু হয়।
নিহত চালকজনৰ নাম জিতু শইকীয়া।
নিহত জিতু শইকীয়া ঘৰ জখলাবন্ধাত বুলি জানিব পৰা গৈছে।
জুইত ভস্মীভূত ছুইফ্ট ডিজিয়াৰ বাহনখনৰ নম্বৰ AS 02 T 9980।
নিশাই ঘটনাস্থলীত আৰক্ষী আৰু অগ্নিনিৰ্বাক বাহিনীৰ লোক উপস্থিত হৈ অগ্নি নিৰ্বাপন কৰি উদ্ধাৰ কৰে বাহনখনৰ।
বাহনৰ ভিতৰত উদ্ধাৰ চালকৰ আসনতে অগ্নিদগ্ধ হৈ নিহত জিতু শইকীয়াৰ মৃতদেহ। বুধবাৰে নিশা জখলাবন্ধাৰ পৰা কাজিৰঙা অভিমুখে যাত্ৰা কৰাৰ পথত বুঢ়াপাহাৰত সংঘটিত হয় এই শোকাৱহ পথ দুৰ্ঘটনাটো।
