ৰঙিয়াৰ বৰলীয়া নৈৰ দলঙত ভয়ংকৰ পথ দুৰ্ঘটনা।
দুৰ্ঘটনাত নিহত এজন কিশোৰ।
নিয়ন্ত্ৰণ হেৰুৱাই দলঙত প্ৰচণ্ড খুন্দা এখন ই-ৰিক্সাৰ।
ই-ৰিক্সাৰ পৰা পৰি গুৰুতভাৱে আহত হয় কিশোৰজন।
দুৰ্ঘটনাত গুৰুতৰভাৱে আহত ছাত্ৰজন সংকটজনক অৱস্থাত স্থানীয় ৰাইজে ৰঙিয়া মহকুমা চিকিৎসালয়লৈ আনে যদিও চিকিৎসকে মৃত ঘোষণা কৰে।
কিশোৰজন কামৰূপ জিলাৰ পিতাম্বৰৰ পিতাম্বৰ আদৰ্শ উচ্চতৰ মাধ্যমিক বিদ্যালয়ৰ দশম মান শ্ৰেণাৰ ছাত্ৰ নিতুমণি কলিতা বুলি জানিব পৰা গৈছে।
বিদ্যালয়ৰ বিদায় সভাৰ বজাৰৰ বাবে ওলাই আহি দুৰ্ঘটনাত নিহত ছাত্ৰজন।
দুৰ্ঘটনা সংঘটিত কৰা ই-ৰিক্সাখনৰ চালক বৰ্তমানেও পলাতক।
ছাত্ৰজনৰ এনে আকস্মিক দুৰ্ঘটনাত মৃত্যুক কেন্দ্ৰ কৰি পৰিয়ালৰ লগতে সমগ্ৰ অঞ্চলটোতে কান্দোনৰ ৰোল।
