প্ৰখ্যাত উদ্যোগপতি, সমাজহিতৈষী আৰু সৰ্বাধিক বিক্ৰী হোৱা গ্ৰন্থৰ লেখক দীনেশ শ্বাহৰাই ১৬ ছেপ্টেম্বৰ শনিবাৰে সন্ধিয়া ৭.৩০ বজাৰ পৰা কলকাতাৰ আলিপুৰৰ তাজ বেংগলত ব্যতিক্ৰম গ্ৰুপৰ দ্বাৰা আয়োজিত সনাতন লিভিং বিষয়ক তেওঁৰ গ্ৰন্থ শৃংখলা মুকলি কৰে। দূৰদৰ্শী চিন্তাধাৰাৰ ব্যক্তি ড০ দীনেশ শ্বাহৰাই শেহতীয়াকৈ কলকাতা ভ্ৰমণৰ সময়ত সনাতনৰ মূল্যবোধৰ সাৰমৰ্মৰ ওপৰত গুৰুত্ব আৰোপ কৰিছিল, যাৰ ফলত সনাতনৰ লোকাচাৰ উদযাপনৰ এক স্মৰণীয় সন্ধিয়ালৈ পৰিণত হৈছিল।
এই অনুষ্ঠানত সনাতন লিভিং বুক ছিৰিজৰ লেখক ড০ দীনেশ শ্বাহৰা, অশোক ছেঠিয়া, শ্যাম সুন্দৰ নাংগলীয়া, মিচেছ ইউনিভাৰ্ছ ড০ পামেলা পাল দাস, বিজয় আগৰৱালা, এছএনইউৰ ডীন অধ্যাপক ধ্ৰুৱজ্যোতি চট্টোপাধ্যায়, এনএছএইচএম কলেজ অৱ মেনেজমেণ্টৰ অধ্যাপিকা ড০ সুদীপ্তা ৰয় চৌধুৰী, ব্যতিক্ৰম গ্ৰুপৰ মুখ্য পৃষ্ঠপোষক ড০ সৌমেন ভাৰতীয়াই উপস্থিত থাকি অনুষ্ঠানৰ সৌষ্ঠৱ বৃদ্ধি কৰিছিল।
এই অনুষ্ঠানত সনাতন লিভিং ছিৰিজ উন্মোচন, আৰজে অয়ন্তিকাৰ সৈতে এক ইণ্টাৰেক্টিভ ছেচন(মত বিনিময় অনুষ্ঠান) আৰু সনাতন সংগীত ভাৰতৰ উদ্যোগত দীনেশ শ্বাহৰাৰ মিউজিক ভিডিঅ’ (তেৰে নাম কা) পৰিৱেশিত হৈছিল। অতিথিসকলক বিশুদ্ধতা আৰু আধ্যাত্মিক মংগলৰ প্ৰতীক হিচাপে তুলসী উপহাৰ দিয়া হৈছিল। এই বিষয়ে ড০ শ্বাহৰাই কয় যে, “মই বিশ্বাস কৰোঁ যে আমাৰ সফলতাৰ প্ৰকৃত পৰিমাপ হ’ল যেতিয়া আমাৰ ভৱিষ্যৎ প্ৰজন্মই মুকলিকৈ আৰু গৌৰৱেৰে সনাতন সংস্কৃতিক আঁকোৱালি লয় আৰু সামগ্ৰিকতা আৰু সমন্বয়ৰ চেতনাৰে সকলোৱে জীয়াই থাকে।”
