ফিফা বিশ্বকাপ ২০২২ আয়োজন হ’বলৈ মাজত মাথোঁ তিনিটা দিন। আৰু তিনি দিনৰ পিছত সমগ্ৰ বিশ্ব আক্রান্ত হৈ পৰিব ফুটবলৰ জ্বৰত। ইতিমধ্যে ইয়াৰ কাউনডাউন আৰম্ভ হৈছে। কাটাৰে বিশ্ববাসীক আদৰিবলৈ সাজু হৈছে। যিহেতু এইবাৰ কাটাৰে ফিফা বিশ্বকাপ আয়োজন কৰিব ওলাইছে। মধ্য এছিয়াৰ দেশত প্ৰথমবাৰৰ বাবে ফিফা বিশ্বকাপ অনুষ্ঠিত হ’বলৈ গৈ আছে। ২০ নৱেম্বৰৰ পৰা আৰম্ভ হ’বলগীয়া বিশ্বকাপ মুঠ ২৮ দিনৰ বাবে খেলা হ’ব। মুঠ ৬৪ খন খেল খেলা হ’ব আৰু ইয়াৰ অন্তিমখন খেল ১৮ ডিচেম্বৰত অনুষ্ঠিত হ’ব। যোৱা ৪ বছৰ ধৰি ২১০ টা দলে ফিফা বিশ্বকাপৰ এই ২২তম সংস্কৰণত অংশগ্ৰহণ কৰিবলৈ হেঁচা দি আহিছে যদিও আয়োজক দেশ কাটাৰকে ধৰি মাত্ৰ ৩২ টা দলেহে বিশ্বকাপত অংশগ্ৰহণ কৰিব। এতিয়ালৈকে, ২৯ টা দলে বিশ্বকাপত নিজৰ স্থান সুৰক্ষিত কৰিছে। বাকী তিনিটা দল জুনত খেলখনৰে সিদ্ধান্ত লোৱা হয়। প্ৰথম দুখন আসন আন্তঃমহাদেশীয় প্লে অফৰ জৰিয়তে নিৰ্ধাৰণ কৰা হ’ব আৰু ইউক্ৰেইন-স্কটলেণ্ড মেচৰ বিজয়ীয়ে ৱেলছৰ সৈতে খেলিলে এখন আসন নিৰ্ধাৰণ কৰা হ’ব। এতিয়ালৈকে ফিফাত স্থান নিশ্চিত কৰা ২৯ টা দলৰ ভিতৰত আছে-আমেৰিকা, মেক্সিকো, কানাডা, কেমেৰুন, মৰক্কো, টিউনিছিয়া, ছেনেগাল, ঘানা, উৰুগুৱে, ইকুৱেডৰ, আৰ্জেণ্টিনা, ব্ৰাজিল, পোলেণ্ড, পৰ্তুগাল, ছুইজাৰলেণ্ড, নেদাৰলেণ্ড, ইংলেণ্ড, ছাৰ্বিয়া, স্পেইন, ক্ৰ’ৱেছিয়া, বেলজিয়াম, ফ্ৰান্স,
ডেনমাৰ্ক, জাৰ্মানি, জাপান, চৌদি আৰৱ, দক্ষিণ কোৰিয়া, ইৰাণ আৰু কাটাৰ। ৩২ টা দলৰ ভিতৰত চাৰিটাকৈ দলক ৮ টা গোটত বিভক্ত কৰা হৈছে। জুনত আন্তঃমহাদেশীয় প্লে অফ আৰু ইউৰো প্লে অফৰ পিছত বাছনি কৰা দলবোৰৰ উপৰিও, সকলো দলক এই ৮ টা গোটত বিভক্ত কৰা হৈছে। গ্ৰুপ এ: কাটাৰ, ইকুৱেডৰ, ছেনেগাল, নেডাৰলেণ্ড। গ্ৰুপ বি: ইংলেণ্ড, ইৰাণ, আমেৰিকা যুক্তৰাষ্ট্ৰ, ইউৰো প্লে-অফ। গ্ৰুপ চি: আৰ্জেণ্টিনা, চৌদি আৰৱ, মেক্সিকো, পোলেণ্ড। গ্ৰুপ ডি: ফ্ৰান্স, আন্তঃমহাদেশীয় প্লেঅফ ১, ডেনমাৰ্ক, টিউনিচিয়া। গ্ৰুপ ই: স্পেইন, আন্তঃমহাদেশীয় প্লেঅফ ২, জাৰ্মানী, জাপান। গ্ৰুপ এফ: বেলজিয়াম, কানাডা, মৰক্কো, ক্ৰোৱেছিয়া। গ্ৰুপ জি: ব্ৰাজিল, ছাৰ্বিয়া, চুইজাৰলেণ্ড, কেমেৰুন।
গ্ৰুপ এইচ: পৰ্তুগাল, ঘানা, উৰুগুৱে, কোৰিয়া গণৰাজ্য। ১২ দিনীয়া গ্ৰুপ পৰ্যায়ত প্ৰতিদিনে চাৰিখন মেচ খেলা হ’ব। প্ৰতিটো গোটৰ শীৰ্ষ-২ দল অন্তিম-১৬ লৈ আগবাঢ়িব। আয়োজকে অনুমান কৰিছে যে এই প্ৰতিযোগিতাখনত প্ৰায় ১.৫ নিযুত অনুৰাগীয়ে অংশগ্ৰহণ কৰিব। অৱশ্যে, দেশখনলৈ অহা পৰ্যটকসকলৰ বাবে প্ৰায় ১,৭৫,০০০ হোটেল কোঠা আছে। ২০১৯ চনত, কাটাৰে এটা ক্ৰুজ কোম্পানীৰ সৈতে চুক্তি স্বাক্ষৰ কৰে, যাৰ জৰিয়তে ফ্লোটিং হোটেল নিৰ্মাণ কৰা হৈছে। উল্লেখ্য যে এই প্ৰতিযোগিতাখনৰ বাবে কাটাৰত মুঠ ৮ খন ষ্টেডিয়াম প্ৰস্তুত কৰা হৈছে। এই প্ৰতিযোগিতাখনৰ বাবে আৰম্ভণিৰে পৰা ৮ ৰ ভিতৰত ৭ খন তৈয়াৰ কৰা হৈছে। বাকীখিনিও সম্পূৰ্ণৰূপে পুনৰ নিৰ্মাণ কৰা হৈছে। এই সকলোবোৰ ষ্টেডিয়াম ইখনৰ পৰা সিখন প্ৰায় এক ঘণ্টাৰ দূৰত্বত আৰু অতি বেছি ৪৩ মাইল দূৰত।
