বিশ্বৰ শক্তিশালী ফুটবল দলৰূপে পৰিচিত আৰ্জেণ্টিনাৰ বিৰুদ্ধে স্মৰণীয় বিজয়ৰ পিছত চৌদি আৰৱত আনন্দৰ লহৰ চলি আছে। জয়ৰ লাভৰ তিনিদিন অতিক্ৰম হ’ল যদিও দেশখনৰ লোকসকলে এতিয়াও ইয়াক উদযাপন কৰি আছে। ২২ নৱেম্বৰত বিজয়ৰ পিছত, চৌদি আৰৱ চৰকাৰে পিছদিনা অৰ্থাৎ বুধবাৰে চৰকাৰী বন্ধ ঘোষণা কৰে। এতিয়া সকলো খেলুৱৈক এটা ডাঙৰ উপহাৰ দিয়া হ’ব বুলি ঘোষণা কৰিছে। চৌদি আৰৱৰ ৰাজকুমাৰ মহম্মদ বিন ছালাম আল চাউদে দলটোৰ সকলো খেলুৱৈক গাড়ী আগবঢ়োৱাৰ কথা ঘোষণা কৰিছে। মহম্মদ বিন ছালাম আল চাউদে ঘোষণা কৰিছে যে সকলো খেলুৱৈক ৰোলছ ৰয়েছ ফেণ্টম কাৰ প্ৰদান কৰা হ’ব। চৌদি আৰৱৰ দলে দক্ষিণ আমেৰিকাৰ দল আৰ্জেণ্টিনাক ২-১ গ’লত পৰাস্ত কৰিছিল। লিয়নেল মেছিৰ গ’লস্বত্বেও আৰ্জেণ্টিনাৰ দলটোৱে খেলখন তেওঁলোকৰ নামত কৰিব নোৱাৰিলে। তেওঁলোকে হাফটাইমত ১-০ ৰ অগ্ৰগতি লাভ কৰিছিল, কিন্তু দ্বিতীয়াৰ্ধত চৌদি আৰবে দুৰ্দান্তভাৱে উভতি আহি মেচখনত জয় লাভ কৰে। উল্লেখ্য যে ভাৰতত ৰোলছ ৰয়েছ ফেণ্টমৰ মূল্য ৮.৯৯ কোটি টকাৰ পৰা আৰম্ভ হয় আৰু সৰ্বোচ্চ মূল্য ১০.৪৮ কোটি হয়। চৌদি আৰবে আৰ্জেণ্টিনাৰ ৩৬ খন খেলৰ জয়ৰ ধাৰা ৰুদ্ধ কৰি দিছিল। বিশ্বৰ ৫১ নম্বৰ দল চৌদি আৰবে এক গুৰুত্বপূৰ্ণ জয়েৰে বিশ্বকাপ অভিযান আৰম্ভ কৰিছিল।
