কৰ্ণাটক বিধানসভা নিৰ্বাচনৰ পূৰ্বে ৰাজ্যৰ প্ৰাক্তন মুখ্যমন্ত্ৰী জগদীশ শ্বেত্তাৰে ভাৰতীয় জনতা পাৰ্টি ত্যাগ কৰি সোমবাৰে কংগ্ৰেছ দলত যোগদান কৰে।
বেংগালুৰুস্থিত দলীয় কাৰ্যালয়ত দলৰ মুৰব্বী মল্লিকাৰ্জুন খাৰ্গে, কৰ্ণাটক ৰাজ্যৰ কংগ্ৰেছৰ সভাপতি ডি কে শিৱকুমাৰ আৰু ৰাজ্যিক বিধানসভাৰ বিৰোধী দলপতি সিদ্দাৰমাইয়াৰ উপস্থিতিত শ্বেত্তাৰে কংগ্ৰেছত যোগদান কৰে।
ইফালে বিজেপিৰ জ্যেষ্ঠ নেতা অমৰ সিং পাটিলেও শ্বেত্োৰৰ সৈতে কংগ্ৰেছত যোগদান কৰে।
দলত যোগদান কৰাৰ পিছত শ্বেত্তাৰে কয়, ‘কালি মই বিজেপি এৰি আজি কংগ্ৰেছ দলত যোগদান কৰিলোঁ। এজন বিৰোধী নেতা, প্ৰাক্তন মুখ্যমন্ত্ৰী আৰু দলৰ সভাপতি কংগ্ৰেছত যোগদান কৰাত বহুত আচৰিত হৈছে। বিজেপিয়ে মোক প্ৰতিটো পদ দিছে আৰু দলৰ কৰ্মী হোৱাৰ বাবে মই সদায় দলৰ বৃদ্ধিৰ বাবে কাম কৰিছিলো।”
‘(বিজেপি) দলৰ বৃদ্ধিৰ বাবে সংগঠিত আৰু কাম কৰাসকলৰ ভিতৰত মইও আছিলোঁ। হয় বিজেপিয়ে মোক সন্মান আৰু স্থিতি দিলে। মই ৬বাৰ বিধায়ক হিচাপে জয়ী হৈছিলো আৰু মই ভাবিছিলো যে মই স্বাভাৱিকতে সপ্তমবাৰৰ বাবে ফিল্ড হ’ম।’
তেওঁ দল এৰি যোৱাৰ কাৰণ উল্লেখ কৰি কয় যে, ‘মই ভাবিছিলো যে এজন জ্যেষ্ঠ নেতা হৈ টিকটটো পাম, কিন্তু যেতিয়া গম পালোঁ যে মই টিকট নাপাওঁ, তেতিয়া মই স্তম্ভিত হৈ পৰিলোঁ। কোনেও মোৰ লগত কথা পতা নাছিল আৰু মোক পতিয়ন নিয়াবলৈ চেষ্টা কৰা নাছিল, আনকি মই কি পদ পাম সেই বিষয়েও আশ্বাস দিয়া নাছিল।”
‘১১ এপ্ৰিলত দলৰ ভাৰপ্ৰাপ্ত বিষয়াই মোক টিকট দিয়া হোৱা নাই বুলি কৈছিল। শিশুৰ লগত কথা পতাৰ দৰে মোৰ লগত কথা পাতিলে। মই কি কৰিব লাগে? ৰাতিপুৱা ফোন আহিল আৰু মোক প্ৰথমবাৰৰ বাবে বিধায়ক বা আকাংক্ষিত হোৱাৰ দৰে কথা পাতিলে। মোৰ আঘাত হৈছে। মোৰ লগত বেয়া ব্যৱহাৰ কৰা হৈছিল।’-তেওঁ আৰু কয়।
উল্লেখযোগ্য যে কৰ্ণাটকৰ প্ৰাক্তন মুখ্যমন্ত্ৰীগৰাকীয়ে আগন্তুক ৰাজ্য বিধানসভা নিৰ্বাচনৰ পূৰ্বে দেওবাৰে বিধায়ক আসনৰ পৰা পদত্যাগ কৰি বিজেপি ত্যাগ কৰে।
এই সন্দৰ্ভত তেওঁ টুইটাৰত গৈ লিখিছে, ‘বিগত কিছুদিনৰ ৰাজনৈতিক পৰিঘটনাত বিৰক্ত হৈ মই মোৰ বিধায়ক আসনৰ পৰা পদত্যাগ কৰিছো আৰু কৰ্মীসকলৰ সৈতে মোৰ পৰৱৰ্তী পদক্ষেপৰ বিষয়ে আলোচনা কৰিম। সচৰাচৰৰ দৰেই আপোনাৰ মৰম আৰু আশীৰ্বাদ সদায় মোৰ লগত থাকিব বুলি মোৰ বিশ্বাস।”
অহা ১০ মে’ত কৰ্ণাটকৰ বিধানসভা নিৰ্বাচন আৰু ১৩ মে’ত ফলাফল ওলাব।
