স্পেইনৰ কিশোৰ খেলুৱৈ কাৰ্লোছ আলকাৰেজে দৰ্শকৰ অপৰিসীম সমৰ্থনৰ মাজতে তিনি ছেটৰ এখন খেলত শীৰ্ষ স্থানপ্ৰাপ্ত ষ্টেফানোছ চিটচিপাছক পৰাস্ত কৰি বাৰ্চিলোনা অ’পেন টেনিছ টুৰ্ণামেণ্টৰ ছেমি ফাইনেলত প্ৰৱেশ কৰে। ৰাফেল নাদালৰ ক’ৰ্টত কোৱাৰ্টাৰ ফাইনেল খেলখনত আলকাৰেজে ৬-৪, ৫-৭, ৬-২ ত জয়লাভ কৰে। ১৮ বছৰীয়া যুৱকজনে তেওঁৰ তৃতীয় খিতাপ লাভৰ চেষ্টা চলাই আছে। তেওঁ ফেব্ৰুৱাৰীত ৰিঅ’ ডি জেনেৰিঅ’ত আৰু এই মাহৰ আৰম্ভণিতে মিয়ামীত খিতাপ জিকিছিল।
আলকাৰেজৰ হাতত পৰাস্ত হোৱাৰ আগতে, বৰষুণ প্ৰভাৱিত টুৰ্ণামেণ্টত চিটচিপাছে গ্ৰিগৰ ডিমিট্ৰভক ৬-১, ৬-৪ ত পৰাস্ত কৰিছিল, আনহাতে আলকাৰেজে স্থানীয় জোম মুনাৰক ৬-৩, ৬-৩ ত পৰাস্ত কৰিছিল। ছেমি ফাইনেলত আলকাৰেজে অষ্ট্ৰেলিয়াৰ এলেক্স ডি মিনাউৰৰ মুখামুখি হ’ব, যিয়ে চতুৰ্থ শ্ৰেণীৰ কেমেৰুন ন’ৰীক ৬-৩, ৫-৭, ৬-১ ব্যৱধানত পৰাস্ত কৰে।
দ্বিতীয়খন ছেমি ফাইনেল পাবলো কাৰেনো আৰু ডিয়েগো ছৱাৰ্টজমেনৰ মাজত অনুষ্ঠিত হ’ব। তিনি ঘণ্টা ধৰি চলি থকা এখন খেলত কেৰেনোৱে দ্বিতীয় শ্ৰেণীৰ কেচপাৰ ৰুডক ৪-৬, ৭-৬ (৮), ৬-৩ ব্যৱধানত পৰাস্ত কৰে।ছৱাৰ্টজমেনে তৃতীয় শ্ৰেণীৰ ফেলিক্স অগাৰ-এলিয়াছিমক ৩-৬, ৬-২, ৬-৩ ব্যৱধানত পৰাস্ত কৰে।
