ডিফেণ্ডিং চেম্পিয়ন স্পেইনে এক ৰোমাঞ্চকৰ ছেমি ফাইনেলত জাৰ্মানীক এটা গ’লত পৰাস্ত কৰি ইয়াত ফিফা অনুৰ্ধ-১৭ মহিলা বিশ্বকাপৰ ফাইনেলত কলম্বিয়াৰ সৈতে সংঘৰ্ষৰ বাবে নিজক সাজু কৰিছে। ৯০ মিনিটত লুচিয়া কাৰ্ৰেলছে স্পেইনৰ হৈ একমাত্ৰ গ’লটো কৰে। ফাইনেলখন দেওবাৰে নৱী মুম্বাইৰ ডি ৱাই পাটিল ষ্টেডিয়ামত অনুষ্ঠিত হ’ব। পেনাল্টি শ্বুটআউটত কলম্বিয়াই নাইজেৰিয়াক ৬-৫ গ’লত পৰাস্ত কৰি ফাইনেলত প্ৰৱেশ কৰে। নিৰ্ধাৰিত সময়ত দুয়োটা দল গ’লবিহীন আছিল। শ্বুটআউটত গেব্ৰিয়েলা ৰড্ৰিগেজ, ষ্টেফানিয়া পেৰ্লাজা, মেৰী এস্পিটালেটা, লিণ্ডা কেচেডো, জুয়ানা অৰ্টেগান আৰু নাটালিয়া হাৰ্নান্দেজে কলম্বিয়াৰ হৈ গ’ল কৰে, আনহাতে মুনোজ গ’ল কৰাৰ পৰা বাদ পৰে। নাইজেৰিয়াৰ হৈ এডিট অফিয়ং, এডিডয়ং ইটিম, মিৰেকেল উছানি, টাইও আফোলাবি আৰু এছ অইনলোলাই গ’ল কৰে।
