পিডব্লিউচি ইণ্ডিয়া আৰু স্কুল ফৰ ছ’চিয়েল এণ্টাৰপ্ৰেনিয়ৰচ (SSE) ভাৰতে ভাৰতৰ পশ্চিম বংগ আৰু উত্তৰ-পূব অঞ্চলৰ উদীয়মান সামাজিক উদ্যোগীসকলৰ বাবে তেওঁলোকৰ ফ্লেগশ্বিপ ছ’চিয়েল ষ্টাৰ্ট-আপ ফেলোশ্বিপ কাৰ্যসূচীৰ প্ৰথম দল ঘোষণা কৰিছে। এই কাৰ্যসূচীয়ে ২৫ জন সামাজিক উদ্যোগী আৰু পৰিৱৰ্তন কাৰীসকলক অধ্যয়ন অধিৱেশন, কাৰ্য পৰিকল্পনা আৰু পৰামৰ্শৰ সৈতে তেওঁলোকৰ উদ্ভাৱন বিকশিত কৰি তেওঁলোকৰ ষ্টাৰ্ট-আপ দৃষ্টিভংগী আৰু ধাৰণাবোৰ পৰৱৰ্তী পৰ্যায়লৈ লৈ যোৱাত সহায় কৰিব।
পিডব্লিউচি ইণ্ডিয়া ফাউণ্ডেচনে (PwCIF) এছএছই ইণ্ডিয়াৰ অংশীদাৰীত্বত উত্তৰ-পূব অঞ্চলত এক চিএছআৰ কাৰ্যসূচী আৰম্ভ কৰিছে। যোৱা কেইমাহমানত পিডব্লিউচি ইণ্ডিয়াৰ বিষয়বস্তু বিশেষজ্ঞ আৰু স্বেচ্ছাসেৱকসকলৰ দ্বাৰা টেলিফোনিক আৰু ব্যক্তিগত সাক্ষাৎকাৰৰ জৰিয়তে ১৩৭ জন আবেদনকাৰীক পৰীক্ষা কৰা হৈছিল। “চুপাৰ ২৫” দলটোৱে এতিয়া ২৪ ৰ পৰা ৩০ টা যোগাযোগ দিনৰ সৈতে ন মাহৰ দীঘলীয়া শিক্ষণ কাৰ্যসূচীৰ মাজেৰে যাব। কাৰ্যসূচীটো আজিৰ পৰা আৰম্ভ হ’ব আৰু ২০২৩ চনৰ অক্টোবৰৰ শেষৰ ফালে সমাপ্ত হ’ব।
পিডব্লিউচিআইএফ আৰু এছ.এছ.ই. ইণ্ডিয়াই সামাজিক উদ্যোগবিকাশ, ব্যক্তিসকলক তেওঁলোকৰ নিজা উদ্যোগ আৰম্ভ কৰিবলৈ, স্থানীয় অৰ্থনীতি বৃদ্ধি কৰিবলৈ আৰু সামগ্ৰিক সামাজিক প্ৰভাৱ সৃষ্টি কৰিবলৈ একেলগে কাম কৰি আহিছে। নতুন দলটোৰ শুভাৰম্ভণিঅনুষ্ঠানত ভাষণ দি স্কুল ফৰ ছ’চিয়েল এণ্টাৰপ্ৰেনিয়ৰইণ্ডিয়াৰ মুখ্য কাৰ্যবাহী বিষয়া শলভ মিত্তালে কয়, ‘৯ মাহৰ অধিক সময়ৰ এই কাৰ্যসূচীয়ে উদীয়মান সামাজিক উদ্যোগীসকলক তেওঁলোকৰ সামাজিক উদ্দেশ্য উন্নত কৰিবলৈ আৰু তেওঁলোকৰ ধাৰণাটো এটা উদ্যোগত প্ৰকাশ কৰিবলৈ ত্বৰান্বিত কৰিবলৈ সক্ষম কৰিব।’
