মণিপুৰত নাৰীৰ ওপৰত সংঘটিত অত্যাচাৰক লৈ সমগ্ৰ দেশ জ্বলি থকাৰ সময়তে এইবাৰ উত্তৰ প্ৰদেশৰ পৰা পোহৰলৈ আহিছে মহিলাৰ বিৰুদ্ধে সংঘটিত অপৰাধৰ এক চাঞ্চল্যকৰ কাণ্ড। ৰাজ্যখনৰ বদৌন জিলাৰ এটা পথত দুগৰাকী মহিলাক একাংশ লোকে নিৰ্মমভাৱে প্ৰহাৰ কৰাৰ ভিডিঅ’ পোহৰলৈ অহাৰ পিছতে সৃষ্টি হৈছে তীব্ৰ প্ৰতিক্ৰিয়াৰ। ভিডিঅ’টোত দেখা গৈছে যে মাজৰ পথত দুগৰাকী মহিলাক নিৰ্দয়ভাৱে প্ৰহাৰ কৰা হৈছে। ভুক্তভোগী দুগৰাকীৰ ভিতৰত এগৰাকী বৃদ্ধাও আছে।
খবৰ অনুসৰি উত্তৰ প্ৰদেশৰ বিলছি থানা এলেকাৰ মাহলোলী গাঁৱত সংঘটিত হৈছে এই ঘটনা। অঞ্চলটোত সংঘটিত হৈছে মহিলাৰ সৈতে তীব্ৰ কাজিয়াৰ ঘটনা। একেটা পৰিয়ালৰ সদস্যৰ মাজত সা-সম্পত্তিৰ বিবাদক লৈ সংঘটিত হয় এই কাজিয়া। দুগৰাকী মহিলাক ৰাস্তালৈ চোঁচৰাই আনি ভিৰৰ সন্মুখতে প্ৰহাৰ কৰে। সেই সময়ত কেইবাজনো লোক এই ঘটনাৰ প্ৰত্যক্ষদৰ্শী হৈ নিৰৱে চাই থাকে যদিও মহিলা দুগৰাকীক বচাবলৈ কোনো লোক আগবাঢ়ি নাহিল।
यूपी के बदायूं में महिलाओं के साथ जमकर मारपीट करने का मामला सामने आया है… जिसमें भीड़ मूकदर्शक बनी महिलाओं को पिटता देख रही है… मारपीट में दो महिलाओं के गंभीर चोटें आई हैं जिन्हे अस्पताल में भर्ती कराया गया है…
— Subhi Yadav (@ManojYaSp) August 9, 2023
मामला बिल्सी थाना क्षेत्र के महलोली गांव का है pic.twitter.com/zHJELVhETC
এই ঘটনাত মহিলা দুগৰাকী আঘাতপ্ৰাপ্ত হয়। দুই নাবালককো ভিডিঅ’টোত দেখা গৈছে। নাবালকসকলেও হাতত ইটা লৈ মহিলাকেইগৰাকীক আক্ৰমণ চলাইছে। এগৰাকী অৰ্ধ উলংগ লোকে এগৰাকী মহিলাক লাথ মাৰি থকা দেখা গৈছে আৰু আন এজন পুৰুষে তেওঁৰ চুলি টানি নিৰ্মমভাৱে প্ৰহাৰ কৰা দেখা গৈছে। লগতে বৃদ্ধাগৰাকীক প্ৰহাৰ কৰি মাটিত ঠেলি দিছে পুৰুষসকলে।
এই আক্ৰমণৰ পিছত গুৰুতৰভাৱে আঘাতপ্ৰাপ্ত হোৱা মহিলাকেইগৰাকীক ওচৰৰ চিকিৎসালয়ত ভৰ্তি কৰোৱা হৈছে। খবৰ অনুসৰি ঘটনা সন্দৰ্ভত এটা গোচৰ ৰুজু কৰা হৈছে। দোষীৰ বিৰুদ্ধে যাৱতীয় ব্যৱস্থা গ্ৰহণ কৰিছে আৰক্ষীয়ে। এই গোচৰৰ সৈতে জড়িত এজন লোককো গ্ৰেপ্তাৰ কৰিছে আৰক্ষীয়ে।
