নিছান মটৰ ইণ্ডিয়া প্ৰাইভেট লিমিটেডে (এনএমআইপিএল) ২০২৩ চনৰ ছেপ্টেম্বৰ মাহত ১০,৭৫৯ ইউনিটৰ পাইকাৰী বিক্ৰী কৰিবলৈ সক্ষম হৈছে, ইয়াৰে ৰপ্তানি পাইকাৰী বিক্ৰী ৮,৩০৫ ইউনিট আৰু ঘৰুৱা পাইকাৰী বিক্ৰী ২৪৫৪ ইউনিট। ক্ৰমাগতভাৱে ৰপ্তানি বছৰ বছৰ ধৰি ৪৮% বৃদ্ধি পাইছে, বিত্তীয় বৰ্ষ ২২ৰ একে সময়ৰ তুলনাত ৩,৪৯৪ ইউনিট বৃদ্ধি পাইছে। ২০২২ চনত ১ মিলিয়ন ৰপ্তানি ইউনিটৰ সাফল্য অৰ্জন প্ৰতিষ্ঠা কৰি যোৱা ৪ বছৰৰ ভিতৰত ৰপ্তানিৰ ক্ষেত্ৰত এয়া সৰ্বাধিক মাহেকীয়া পাইকাৰী বিক্ৰী।
এই বিষয়ে মন্তব্য কৰি নিছান মটৰ ইণ্ডিয়াৰ পৰিচালন সঞ্চালক ৰাকেশ শ্ৰীবাস্তৱে কয় যে, “নিছানে যোৱা ৪ বছৰত সৰ্বাধিক ৰপ্তানি কৰিছে। ভাৰতীয় আৰু গ্ল’বেল বজাৰৰ বাবে গেম চেঞ্জাৰ হিচাপে বিগ, বল্ড, বিউটিফুল নিছান মেগনাইটে নিজৰ শক্তিশালী মূল্য প্ৰস্তাৱ, উদ্ভাৱনী প্ৰযুক্তি, শক্তিশালী পৰিৱেশন আৰু সুৰক্ষাক সৰ্বাধিক গুৰুত্ব দিয়ে।”
আইচিচি পুৰুষ ক্ৰিকেট বিশ্বকাপ ২০২৩ৰ অফিচিয়েল পাৰ্টনাৰ(আনুষ্ঠানিক পৃষ্ঠপোষক) হিচাপে নিছানে মেগনাইট কুৰো স্পেচিয়েল এডিছন আগবঢ়াইছে, এই বাহনখনৰ বাহিৰৰ আৰু ভিতৰৰ অংশ সম্পূৰ্ণ ক’লা ৰঙৰ। এই মেগনাইট বাহন ছিচেলছ, বাংলাদেশ, উগাণ্ডা, ব্ৰুনেইকে ধৰি ১৫খন বিশ্বব্যাপ্ত বজাৰলৈ ৰপ্তানি কৰা হয়। প্ৰতিষ্ঠানটোৱে ভাৰতত নিজৰ নেটৱৰ্ক ২৭৬ টাচ্ছ পইণ্টলৈ সম্প্ৰসাৰিত কৰিছে, লগতে সমগ্ৰ দেশতে একাধিক নতুন শ্ব’ৰুম আৰু সেৱা কৰ্মশালা(চাৰ্ভিছ ৱৰ্কশ্বপ)ৰ ব্যৱস্থা কৰিছে।
