বৃহত্তৰ দিছপুৰ অনুভূতি নাগৰিক মঞ্চই কালি নলবাৰী জিলাৰ নমাটি অঞ্চলত স্থানীয় বানাক্ৰান্ত ৰাইজৰ মাজত বান সাহায্য বিতৰণ কৰে। স্থানীয় ভাস্কৰজ্যোতি সংঘৰ সহযোগত বেচৰকাৰী স্বেচ্ছাসেৱী অনুষ্ঠানটোৱে বানাক্ৰান্ত ৰাইজৰ মাজত খাদ্য সামগ্ৰী আৰু বস্ত্ৰ বিতৰণ কৰে। বৃহত্তৰ দিছপুৰ অনুভূতি নাগৰিক মঞ্চৰ সভানেত্ৰী মানসী আদিলৰ নেতৃত্বত গুৱাহাটীৰ পৰা যোৱা প্ৰতিনিধি দলটোত আছিল উপ-সভাপতি ইউছুফ আলম চৌধুৰী, সাধাৰণ সম্পাদিকা পাৰবীন হুছেইন, কোষাধ্যক্ষ মাজিদা আহমেদৰ লগতে কাৰ্যকৰী সদস্য অনুৱাৰা বেগম,মমী ৰহমান, ৰুফিয়া বেগম,আজাহাৰ উদ্দিন আহমেদ। এই কাৰ্যসূচী সফল ৰূপায়ণত স্থানীয় ভাস্কৰজ্যোতি সংঘৰ বিষয়ববীয়া সকলৰ লগতে স্থানীয় কেইবাজনো ব্যক্তিয়ে সহযোগিতা আগবঢ়াই। বৃহত্তৰ দিছপুৰ অনুভূতি নাগৰিক মঞ্চৰ প্ৰতিনিধি দলটোৱে বৃহত্তৰ অঞ্চলটো পৰিভ্ৰমণ কৰি ৰাইজৰ অৱস্থাৰ বুজ লয়।
