গুৱাহাটীঃ তিনিচুকীয়া জিলাৰ ডিৰাক গেটৰ পৰা দেওবাৰে এটা আই ই ডি উদ্ধাৰ কৰে নিৰাপত্তা বাহিনীয়ে।
কেন্দ্ৰীয় সংৰক্ষিত আৰক্ষী বাহিনীৰ এটা টহলদাৰী দলে প্ৰত্যক্ষ কৰে বিস্ফোৰক সামগ্ৰী।
সূত্ৰ অনুসৰি ডিৰাকত নিয়মীয়াকৈ পৰীক্ষা কৰি থকা চি আৰ পি এফৰ সেনাক দেখা পাই কমেও তিনিজন যুৱকে পলায়ন কৰা বুলি অভিযোগ উঠিছে।
যুৱককেইজনে আই ই ডি কঢ়িয়াই অনা বুলি সন্দেহ প্ৰকাশ কৰে এগৰাকী বিষয়াই।
ইফালে ঘটনাৰ পিছতে আৰক্ষীৰ সৈতে বোমা নিষ্কাশন দল সেই স্থানত উপস্থিত হয়।
অধিক তদন্ত চলি আছে।
