ডিগবৈৰ গোলাইত সংঘটিত এক পথ দুৰ্ঘটনাত নিহত তিনিজন লোক।
গোলাই টাৰ্মিনেলৰ সমীপত নিয়ন্ত্ৰণ হেৰুৱাই পথৰ দাঁতিৰ গছত খুন্দা মাৰে এখন চাৰিচকীয়া বাহনে।
দুৰ্ঘটনা সংঘটিত হোৱাৰ সময়ত গাড়ীখনত তিনিজন পুৰুষ আৰু দুগৰাকী মহিলা আছিল।
ইয়াৰে দুজনক চিকিৎসাৰ বাবে ডিব্ৰুগড়লৈ প্ৰেৰণ কৰা হৈছে আৰু তেওঁলোকৰ অৱস্থা সংকটজনক বুলি জানিব পৰা গৈছে।
নিহত কেইজন হৈছে জাগুনৰ অমৃত দত্ত, লিডু বজাৰৰ দিশা গুপে, আৰু সুভাষ গুপে। আনহাতে আহত দুজন সাধনা গুপে আৰু ৰতন গুপে বুলি চিনাক্ত কৰা হৈছে।
সূত্ৰ অনুসৰি তেওঁলোক একেটা পৰিয়ালৰ আত্মীয় বুলি জানিব পৰা গৈছে।
ঘৰলৈ গৈ থকা অৱস্থাত মাজনিশা সংঘটিত হয় এই দুৰ্ঘটনা।
