কামৰূপ জিলাৰ ছয়গাঁও থানাৰ অন্তৰ্গত জোৰশিমুলীৰ লাৰুৱাজানত আৰক্ষীয়ে অভিযান চলাই বৃহৎ পৰিমাণৰ শুকান গাঞ্জাসহ দুটা সৰবৰাহকাৰীক আটক কৰিবলৈ সমৰ্থ হয়৷
আৰক্ষীৰ অভিযানকালত বৃহৎ পৰিমাণৰ শুকান গাঞ্জা জব্দ কৰাৰ লগতে দুটা সৰবৰাহকাৰীক আটক কৰে৷ জব্দকৃত গাঞ্জাখিনিৰ বজাৰ মূল্য আনুমানিক ১.২০ লাখ টকা হ’ব বুলি ধাৰণা কৰা হৈছে৷ ধৃত লোক দুজন হৈছে লাৰুৱাজান গাঁৱৰ হাৰুণ মিঞাৰ পুত্ৰ ফাইজুল হক (৪০) আৰু জৈনুদ্দিন আলীৰ পুত্ৰ আশ্ৰাফুল আলী (২৫) বুলি চিনাক্ত কৰা হৈছে৷ ধৃত সৰবৰাহকাৰী দুটাক ছয়গাঁও আৰক্ষীয়ে নিজৰ জিম্মালৈ নি জেৰা অব্যাহত ৰাখিছে৷
