শুকুৰবাৰে সমগ্ৰ ছিকিমত প্ৰচণ্ড ধাৰাসাৰ বৰষুণৰ পিছতে ৰাজ্যখনৰ বিভিন্ন প্ৰান্তত সংঘটিত হয় ভূমিস্খলনৰ ঘটনা। উত্তৰ ছিকিমৰ চুংথাঙৰ সমীপৰ এখন দলং ভূমিস্খলন আৰু জাহ যোৱাৰ ফলত প্ৰায় ৩৫০০ পৰ্যটক আবদ্ধ হৈ পৰে।
ত্ৰিশক্তি কৰ্পছ, ভাৰতীয় সেনা আৰু সীমান্ত পথ সংস্থাৰ জোৱানসকলে ধাৰাসাৰ বৰষুণ আৰু প্ৰতিকুল বতৰত নিশাটোৰ ভিতৰতে পৰ্যটকক উদ্ধাৰৰ সুবিধাৰ বাবে ফ্লেছ ফ্লাড এলেকাৰ ওপৰত অস্থায়ী ক্ৰছিং সৃষ্টি কৰে।
পৰ্যটকসকলক নদীখন পাৰ হ’বলৈ বৰ্ধিত সহায় কৰাৰ লগতে গৰম খাদ্য, টেণ্টেজ আৰু চিকিৎসাৰ সহায় আগবঢ়োৱা হয়।
সেনাৰ অহৰহ প্ৰচেষ্টাৰ ফলত শনিবাৰে পুৱালৈকে ২০০০ৰো অধিক পৰ্যটকক উদ্ধাৰ কৰা হৈছে। পথ সংযোগ পুনৰ ঘূৰাই অনাৰ প্ৰচেষ্টা চলি আছে, আনহাতে পৰ্যটকক খালী কৰাৰ কাম অব্যাহত থাকিব। টেণ্ট স্থাপন কৰা হৈছে আৰু স্বাস্থ্য শিৱিৰো স্থাপন কৰা হৈছে।
পৰৱৰ্তী যাত্ৰাৰ বাবে পথ মুকলি নোহোৱালৈকে পৰ্যটকসকলক সকলো সাহায্য প্ৰদান কৰা হ’ব।
ভাৰতীয় সেনাই হিমালয়ৰ ছুপাৰ হাই-এলটিটুড অঞ্চলত সীমান্ত পহৰা দি থকাৰ সময়তে পৰ্যটক আৰু স্থানীয় জনসাধাৰণক সাহায্য প্ৰদানৰ ক্ষেত্ৰত সক্ৰিয় হৈ আছে।
আনহাতে, জিলা প্ৰশাসনক ৰাজ্য চৰকাৰৰ দ্বাৰা নিৰন্তৰ নিৰ্দেশ দি আছে আৰু সেই অনুসৰি ১৬ জুন, ২০২৩ চনৰ সন্ধিয়া সকলো প্ৰস্তুতি সম্পন্ন কৰা হয়। QRT (DDMA), ছিকিম আৰক্ষী, GREF, BRO, ITBP, Army, Travel Agency ৰ কৰ্মী এছ’চিয়েশ্যন ছিকিমক খালী কৰাৰ বাবে মোতায়েন কৰা হৈছে।
এতিয়ালৈকে ৭০খন সৰু বাহনৰ সৈতে আংশিক সংখ্যক ১৯খন বাছক সাহায্যমূলক ব্যৱস্থা গ্ৰহণৰ বাবে প্ৰয়োগ কৰা হৈছে।
