কংগ্ৰেছ নেতা ৰাহুল গান্ধীয়ে চলিত মাহৰ আৰম্ভণিতে পৰিয়াললৈ এজন নতুন সদস্যক আদৰণি জনাইছিল। সেয়া আছিল এটা মৰমলগা কুকুৰ, যাৰ তেওঁ নাম ৰাখিছিল ‘নুৰী’। কিন্তু এই নামক লৈয়ে এতিয়া সৃষ্টি হৈছে বিতৰ্কৰ। মুছলমান নেতাসকলে পোহনীয়া কুকুৰটোক ‘নুৰী’ নাম দিয়াটোক সমালোচনা কৰি কয় যে ই সমাজৰ মহিলাসকলক অপমান কৰিছে।
এই সন্দৰ্ভত এআইএমআইএমৰ নেতা মহম্মদ ফাৰহানে এটা ভিডিঅ’ প্ৰকাশ কৰি কয় যে, “বহু মুছলমান মহিলাক এই নাম দিয়া হয়। মই নিজকে ধৰ্মনিৰপেক্ষ বুলি কোৱা কংগ্ৰেছ দলক আৰু মুছলমান ৰাজনীতিবিদসকলক সুধিব বিচাৰো যে তেওঁলোকৰ কুকুৰৰ নামটো এনেদৰে ৰখাটো সঠিক নে?”
ফাৰহানে আৰু প্ৰশ্ন কৰে যে ৰাহুল গান্ধীয়ে মুছলমান যুৱতী আৰু মহিলাসকলক তেওঁলোকৰ বহুলভাৱে ব্যৱহৃত নাম এটা কুকুৰক দিয়াৰ বাবে ক্ষমা বিচাৰিবনে? নেতাগৰাকীয়ে প্ৰকাশ কৰে যে যদি তেওঁ নিজৰ ভুল মানি নলয় আৰু দুখ অনুভৱ কৰে তেন্তে ইয়াৰ ইংগিত পোৱা যাব যে গান্ধী পৰিয়ালে মুছলমানক কেনেদৰে দেখে।
২০২৩ চনৰ বিশ্ব পশু দিৱস (৪ অক্টোবৰ)ত কংগ্ৰেছ নেতাগৰাকীয়ে মাতৃক উপহাৰ হিচাপে এই কুকুৰৰ পোৱালিটো প্ৰদান কৰিছিল।
