ভাৰতৰ প্ৰিয় ষ্টক সূচকাংক নিফটি ৫০-এ আজি ঐতিহাসিক ২০,০০০ৰ সীমা অতিক্ৰম কৰি এক গুৰুত্বপূৰ্ণ মাইলৰ খুঁটি অৰ্জন কৰিছে। ইয়াৰ প্ৰাৰম্ভিক মূল্য ১০০০ টকাৰ পৰা আৰম্ভ কৰি বিগত ২৭ বছৰত উল্লেখযোগ্য যাত্ৰাই ভাৰতৰ মূলধনী বজাৰ আৰু ইয়াৰ শক্তিশালী নিয়ন্ত্ৰণ তথা আইনী ব্যৱস্থাত ভাৰতীয় আৰু বিদেশী বিনিয়োগকাৰীয়ে উভয়ে প্ৰদান কৰা আস্থাৰ প্ৰমাণ হিচাপে কাম কৰেই সন্দৰ্ভত মন্তব্য কৰি নেচনেল ষ্টক এক্সচেঞ্জৰ এমডি তথা মুখ্য কাৰ্যবাহী বিষয়া আশিসকুমাৰ চৌহানে কয় যে, একেৰাহে এই প্ৰণালীবোৰে সদায়ে এক নিৰপেক্ষ, দক্ষ, স্বচ্ছ, কম ব্যয়ৰ, সুলভ আৰু সুসংগঠিত বজাৰ প্ৰদান কৰিছে, যাক প্ৰায়ে বিশ্বব্যাপী সৰ্বশ্ৰেষ্ঠ বজাৰ হিচাপে স্বীকৃতি দিয়া হয়। উল্লেখযোগ্য যে, ভাৰতে কেৱল ব্যৱসায়িক প্ৰযুক্তিৰ ক্ষেত্ৰত পাৰদৰ্শিতা প্ৰদৰ্শন কৰাই নহয়, কৰ্পৰেট প্ৰশাসনৰ ক্ষেত্ৰতো আগশাৰীৰ দেশ হিচাপে আত্মপ্ৰকাশ কৰিছে।
তেওঁ লগতে কয় যে, আজি আমাৰ ওচৰত বিনিয়োগকাৰীক প্ৰতিনিধিত্ব কৰা ৭.৫ কোটিতকৈ অধিক অনন্য PAN নম্বৰ পঞ্জীয়ন কৰা হৈছে। ইয়াৰ পৰা বুজা যায় যে প্ৰায় ৫ কোটি পৰিয়ালে এতিয়া তেওঁলোকৰ সঞ্চয়ৰ এটা অংশ পোনপটীয়াকৈ এনএছইৰ জৰিয়তে ইকুইটি বজাৰত বিনিয়োগ কৰে। যি নিজৰ শ্ৰেষ্ঠতম, অত্যন্ত স্বয়ংক্ৰিয় আৰু কঠোৰভাৱে নিয়ন্ত্ৰিত বজাৰৰ বাবে জনাজাত। ইয়াৰ লগতে আৰম্ভণিৰে পৰা একেৰাহে কেইবা দশক ধৰি নিজৰ গুণগত মানদণ্ড বজাই ৰাখিছে।
তেওঁ কয় যে, “মোৰ দৃষ্টিত বিগত ৩০ বছৰত বজাৰত ভাৰতৰ অংশগ্ৰহণ যথেষ্ট পৰিমাণে আগবাঢ়িছে আৰু অধিক বিকাশৰ বাবে যথেষ্ট অৱকাশ আছে। এই সাফল্যই এক আশাব্যঞ্জক আৰম্ভণি চিহ্নিত কৰে। আমাৰ অতীতৰ অভিজ্ঞতাৰ দৰেই আগন্তুক যাত্ৰাৰো উত্থান-পতন থাকিব বুলি স্বীকাৰ কৰাটো গুৰুত্বপূৰ্ণ। অৱশ্যে, ভাৰতৰ প্ৰগতি অব্যাহত থাকিব আৰু বজাৰবোৰে এই প্ৰগতিক প্ৰতিফলিত কৰি থাকিব, যাৰ উদাহৰণ নিফটি ৫০ সূচকাংক। এন এছ ইয়ে আগন্তুক বছৰবোৰত ভাৰতক উন্নত স্বয়ংক্ৰিয়কৰণেৰে সমৃদ্ধ ন্যায্য, দক্ষ, স্বচ্ছ, সুশৃংখল আৰু ব্যয়সাপেক্ষ বজাৰ প্ৰদান কৰিবলৈ প্ৰতিশ্ৰুতিবদ্ধ হৈ আছে।”
