দক্ষতা বিকাশ আৰু উদ্যোগ মন্ত্ৰালয়ৰ (এমএছডিই) অধীনত কাম কৰি থকা ৰাষ্ট্ৰীয় দক্ষতা বিকাশ নিগমে “মহাৰাজা কিৰিত বিক্ৰম আন্তঃৰাষ্ট্ৰীয় উদ্ভাৱন আৰু দক্ষতা উৎকৰ্ষ কেন্দ্ৰ” হিচাপে নামাকৰণ কৰা ৰাষ্ট্ৰীয় দক্ষতা একাডেমী বিকাশৰ বাবে ত্ৰিপুৰা জনজাতীয় এলেকা স্বায়ত্তশাসিত জিলা পৰিষদ (টিটিএএডিচি) আৰু মেধাৱী দক্ষতা বিশ্ববিদ্যালয়প্ৰশাসনৰ সৈতে ত্ৰিপাক্ষিক বুজাবুজি ৰখাৰ কথা ঘোষণা কৰিছে। চেণ্টাৰ অফ এক্সেলেন্সে (চি.ও.ই.) ভাৰত আৰু সমগ্ৰ বিশ্বত প্ৰশিক্ষিত পেৰামেডিকেল কৰ্মচাৰী আৰু নাৰ্ছসকলৰ বৰ্ধিত চাহিদা পূৰণৰ বাবে স্বাস্থ্যসেৱা আৰু পেৰামেডিকেল দক্ষতাৰ ক্ষেত্ৰত ক্ষমতা নিৰ্মাণৰ ওপৰত গুৰুত্ব দিব।
এনএছডিচিৰ চিঅ’ও (অফিচিয়েটিং চিইঅ’) শ্ৰীযুত বেদ মণি তিৱাৰী, মেধাৱী দক্ষতা বিশ্ববিদ্যালয়ৰ প্ৰ’চাঞ্চেলৰ শ্ৰীযুত কুলদীপ শৰ্মা আৰু ত্ৰিপুৰা জনজাতীয় অঞ্চল স্বায়ত্তশাসিত জিলা পৰিষদৰ মুখ্য কাৰ্যবাহী বিষয়া আইএএছ ৰ শ্ৰী চন্দ্ৰ কুমাৰ জামাতিয়াৰ মাজত এই বুজাবুজি চুক্তিৰ আদান-প্ৰদান কৰা হয়। চিঅ’ই ত্ৰিপুৰাৰ যুৱসকলক আন্তৰ্জাতিক দক্ষতা প্ৰশিক্ষণ আৰু গতিশীলতা প্ৰদান কৰিব। টি.টি.এ.এ.ডি.চি.-য়ে প্ৰচাৰমূলক কাৰ্যকলাপত সমৰ্থন কৰিব আৰু কেন্দ্ৰীয় মন্ত্ৰালয়, আন্তৰ্জাতিক ফাউণ্ডেচন আৰু প্ৰতিষ্ঠিত কৰ্পোৰেটসকলক পৰামৰ্শ প্ৰদান কৰিব।
সম্পূৰ্ণ মাচুল ৰেহাইৰ সৈতে কেৱল জনজাতীয় শিক্ষাৰ্থীসকলৰ বাবে সংৰক্ষিত 50% আসনৰ সৈতে এক কাৰ্যবাহী শ্ৰেণী সৃষ্টি কৰা হ’ব। এনএছডিচিৰ চিঅ’ও (অফিচিয়েটিং চিইঅ’) শ্ৰীযুত বেদ মণি তিৱাৰীয়ে কয়, “মহাৰাজা কিৰিট বিক্ৰম আন্তঃৰাষ্ট্ৰীয় উদ্ভাৱন আৰু দক্ষতা উৎকৰ্ষ কেন্দ্ৰ” মুকলি কৰাটো উত্তৰ-পূব ভাৰতৰ যুৱসকলৰ বাবে বিশ্বব্যাপী সুযোগ মুকলি কৰাৰ দিশত এক পদক্ষেপ”।
