বাংলাদেশ ক্ৰিকেট ব’ৰ্ডে আগন্তুক এছিয়া কাপ আৰু টি-২০ বিশ্বকাপৰ বাবে ভাৰতৰ প্ৰাক্তন অলৰাউণ্ডাৰ শ্ৰীধৰণ শ্ৰীৰামক ৰাষ্ট্ৰীয় দলৰ প্ৰশিক্ষক হিচাপে নিযুক্তি দিছে। শ্ৰীৰামৰ নিযুক্তি এজন বিচিবি পৰিচালকৰ উদ্ধৃতিৰে ডেইলী ষ্টাৰৰ প্ৰতিবেদনৰ দ্বাৰা নিশ্চিত কৰা হৈছে। তেওঁ কয়- আমি শ্ৰীৰামক বিশ্বকাপলৈকে প্ৰশিক্ষক হিচাপে নিযুক্তি দিছো। আমি এক নতুন চিন্তাধাৰাৰে আগবাঢ়ি আছো আৰু এছিয়া কাপৰ পৰা এজন নতুন প্ৰশিক্ষক নিযুক্ত কৰা হৈছে। টি-২০ বিশ্বকাপ আমাৰ মুখ্য লক্ষ্য আৰু তাৰ বাবে, এছিয়া কাপৰ আগতে নিযুক্তি প্ৰয়োজন যাতে তেওঁলোকে সম্পূৰ্ণ সময় পায়। উল্লেখ্য যে
শ্ৰীৰামে ২০০০ ৰ পৰা ২০০৪ চনৰ ভিতৰত ভাৰতৰ হৈ আঠখন এদিনীয়া খেলিছিল আৰু অষ্ট্ৰেলিয়াৰ সহকাৰী আৰু স্পিন বলিং প্ৰশিক্ষকো আছিল। শ্ৰীৰামক ২০১৬ চনত অষ্ট্ৰেলিয়াৰ প্ৰাক্তন প্ৰশিক্ষক ডাৰেন লেহমেনৰ নিৰ্দেশনাত স্পিন বলিং প্ৰশিক্ষক হিচাপে নিযুক্তি দিয়া হৈছিল।
