ডিজিটেল উদ্ভাৱনৰ দ্বাৰা ক্ৰমান্বয়ে সমৃদ্ধ হৈ উঠা পৃথিৱীখনত স্বাস্থ্যসেৱা উদ্যোগসমূহ এক নতুন পৰিৱৰ্তনৰ সাক্ষী হৈ আছে। এনে এক সময়ত ৰোগীয়ে কেনেকৈ চিকিৎসা সেৱা আৰু অভিজ্ঞতা লাভ কৰে তাৰ পুনৰ সংজ্ঞা দিয়াৰ প্রতিশ্রুতি দি এক নতুন এপ মুকলি কৰিছে গুৱাহাটীত গঢ়ি উঠা প্রতিষ্ঠান উজুহেলথ্- য়ে। এই প্রতিষ্ঠানটোৱে ৰোগীসকলক উচ্চমানৰ স্বাস্থ্যসেৱা সেৱাৰ অভূতপূর্ব সুবিধা প্ৰদানৰ প্ৰতিশ্ৰুতিৰে আনুষ্ঠানিকভাৱে এই এপ মুকলি কৰাৰ কথা ঘোষণা কৰিছে। আজি গুৱাহাটী প্ৰেছ ক্লাবত অনুষ্ঠিত এখন সংবাদ মেলত এই এপ মুকলি কৰা হয়। সংবাদ মেল সম্বোধন কৰি মুখ্য কাৰ্যবাহী বিষয়া ৰাহুল শৰ্মাই কয়-
অসমীয়াত সহজ স্বাস্থ্য বুলি বুজাবলৈ উজুহেলথ্ নামেৰে নামকৰণ কৰা এই এপৰ জৰিয়তে ঘৰত বহি চিকিৎসাৰ পৰামৰ্শৰ জৰিয়তে ৰোগীসকলৰ জীৱনৰেখা আগবঢ়োৱা হৈছে। নিৰাপদ আৰু ব্যৱহাৰকাৰী- বন্ধুত্বপূর্ণ অনলাইন ভিডিঅ’ পৰামৰ্শৰ জৰিয়তে ৰোগীয়ে সমগ্ৰ ভাৰতৰ শীৰ্ষস্থানীয় চিকিৎসকৰ সৈতে সংযোগ স্থাপন কৰিব পাৰে, যাৰ ফলত মূল হাস্পতালৈ যোৱাৰ হেঁচা আৰু খৰচ নাইকিয়া হয় আৰু অপেক্ষাৰ সময় হ্রাস পায়। ব্যক্তিগতভাৱে পৰামৰ্শ পছন্দ কৰা সকলৰ বাবে উজুহেলথ্ অন্যান্য সেৱা যেনে লেবৰেট’ৰী টেষ্ট বুকিং আৰু বিনামূলীয়া সাধাৰণ স্বাস্থ্যসেৱাৰ পৰামৰ্শৰ উপৰি সেই সেৱাও প্ৰদান কৰে।
ৰোগীকেন্দ্ৰিক যত্নৰ প্ৰতি কোম্পানীটোৰ দায়বদ্ধতাৰ বিষয়ে আলোকপাত কৰি তেওঁ আৰু কয়, “আমাৰ মিছন হৈছে স্বাস্থ্যসেৱাক গণতান্ত্ৰিক কৰা, যাতে সকলোৱে নিজৰ স্থান বা পৰিস্থিতি যিয়েই নহওক কিয়, উচ্চমানৰ চিকিৎসা সেৱাৰ সুবিধা লাভ কৰে।” উজুহেলথ্ ৰ বিষয়ে অধিক জানিবলৈ www.uzuhealth.com এ UzuHealth ৱেবছাইট চাব পাৰে বা তেওঁলোকক ৭৫৭৮৮৯৮৮৯৮ত ফোন কৰিব পাৰে।
