কাটাৰে যুদ্ধবিৰতি আৰু পণবন্দীসকলৰ মুক্তিৰ ক্ষেত্ৰত ইজৰাইল আৰু হামাছৰ মাজত হোৱা চুক্তিত অনুমোদন জনাইছে। এই চুক্তিয়ে ছয় সপ্তাহৰ যুদ্ধত প্ৰথম অস্থায়ী যুদ্ধবিৰতি চিহ্নিত কৰিব আৰু গাজা ষ্ট্ৰিপত হামাছৰ হাতত পণবন্দীক মুক্তি দিয়া আৰু পেলেস্তাইন বন্দীসকলৰ মুক্তিৰ পথ প্ৰশস্ত কৰিব। কাটাৰৰ বৈদেশিক মন্ত্ৰালয়ে কয় যে যুদ্ধবিৰতি কেতিয়া কাৰ্যকৰী হ’ব সেই সন্দৰ্ভত অহা ২৪ ঘণ্টাৰ ভিতৰত ঘোষণা কৰা হ’ব। যুদ্ধবিৰতি চাৰি দিনৰ বাবে হ’ব।আজি পুৱা কাটাৰৰ বৈদেশিক মন্ত্ৰালয়ে জাৰি কৰা এক বিবৃতিত ইয়াক ইজিপ্ত, আমেৰিকা যুক্তৰাষ্ট্ৰ আৰু কাটাৰৰ মানৱীয় যুদ্ধবিৰতিৰ বাবে মধ্যস্থতা আলোচনাৰ ফলাফল বুলি বৰ্ণনা কৰি এই ঘোষণা কৰে। য’ত উল্লেখ আছে- যেতিয়া যুদ্ধবিৰতি কাৰ্যকৰী হ’ব সেয়া অহা ২৪ ঘণ্টাৰ ভিতৰত ঘোষণা কৰা হ’ব। যুদ্ধবিৰতি চাৰি দিনৰ পৰা সম্প্ৰসাৰণৰ সম্ভাৱনাও আছে। ইয়াৰ অধীনত, ইজৰাইলৰ দ্বাৰা বন্দী কৰা পেলেস্তাইন বন্দীসকলৰ বিনিময়ত ৫০ জন বন্দীক মুকলি কৰা হ’ব। দুয়োপক্ষৰ দ্বাৰা মুকলি কৰিব লগা সকলৰ ভিতৰত আছে মহিলা আৰু শিশু। চুক্তিখনে গাজালৈ মানৱীয় সাহায্যৰ যোগান বৃদ্ধি কৰিব। ইজৰাইলী কেবিনেটে চুক্তিখন অনুমোদন কৰাৰ পিছত এই ঘোষণাটো কৰিছে। কাটাৰৰ পৰোক্ষ মধ্যস্থতাৰ অধীনত ইজৰাইল আৰু হামাছৰ মাজত সপ্তাহৰ আলোচনাৰ পিছত যুদ্ধবিৰতি ঘোষণা কৰা হৈছে। ইছলামবাদী উগ্ৰপন্থী গোট হামাছে যোৱা ১৬ বছৰ ধৰি গাজা শাসন কৰি আহিছে। আমেৰিকা যুক্তৰাষ্ট্ৰ আৰু ইজিপ্তো বন্দীসকলৰ মুক্তি সম্পৰ্কীয় আলোচনাত জড়িত আছিল। হামাছে কৈছে যে চুক্তিখনত ৫০ জন বন্দী আৰু ১৫০ জন পেলেস্তাইন বন্দী, সকলো মহিলা আৰু শিশুক মুক্তি দিয়াটো অন্তৰ্ভুক্ত আছিল।প্ৰধানমন্ত্ৰী বেঞ্জামিন নেতানিয়াহুৰ কাৰ্যালয়ে কয় যে চুক্তিখনে চাৰিদিনীয়া যুদ্ধবিৰতিৰ আহ্বান জনাইছে। ইজৰাইলে গাজাত ইয়াৰ সামৰিক আক্ৰমণ বন্ধ কৰিব, আনহাতে হামাছে কমেও ৫০ জন বন্দীক মুক্তি দিব। হামাছ আৰু অন্যান্য গোটে প্ৰায় ২৪০ জন লোকক বন্দী কৰি ৰাখিছে।
