১৯ বছৰীয়া কাৰ্লোছ আলকাৰাজে ইউএছ অ’পেন টেনিছ চেম্পিয়নশ্বিপত কেছপাৰ ৰুডক পৰাস্ত কৰি প্ৰথমটো গ্ৰেণ্ড শ্লেম খিতাপ অৰ্জন কৰিছে। ইয়াৰ সৈতে, ১৯ বছৰ বয়সত, তেওঁ টেনিছ ৰেংকিঙৰ ১ নম্বৰ স্থান অৰ্জন কৰা আটাইতকৈ কম বয়সীয়া খেলুৱৈ হৈ পৰিছে। ইউএছ অ’পেনে ৩২ বছৰৰ পিছত আটাইতকৈ কম বয়সীয়া চেম্পিয়ন লাভ কৰিছে। কাৰ্লোছে ইউএছ অ’পেনৰ ফাইনেলত নৰৱেৰ কাস্পাৰ ৰুডক ৬-৪, ২-৬, ৭-৬ (১), ৬-৩ ছেটত পৰাস্ত কৰি প্ৰথমবাৰৰ বাবে বিশ্বৰ এক নম্বৰ খিতাপ অৰ্জন কৰে। আলকাৰেজে মেচখন জিকাৰ পিছত তেওঁ ৰুডক আলিঙ্গন কৰিবলৈ আহে। নিউয়ৰ্কত অনুষ্ঠিত দুসপ্তাহীয়া টুৰ্ণামেণ্টত তেওঁৰ এক্ৰোবেটিক শ্বটজৰ দ্বাৰা অনুৰাগীসকলক আকৰ্ষিত কৰা এলকাৰেজে ৰাছিয়াৰ ডেনিয়েল মেদভেদেভক অতিক্ৰম কৰি এক নম্বৰ স্থান দখল কৰিছে। ১৯৭৩ চনত এটিপি ৰেংকিং আৰম্ভ হোৱাৰ পিছত এলকাৰেজ বিশ্বৰ সৰ্বকনিষ্ঠ এক নম্বৰ খেলুৱৈ হৈ পৰিছে। যুৱ স্পেনিছ টেনিছ তাৰকা কাৰ্লোছ আলকাৰেজ আৰু নৰৱেৰ কাস্পাৰ ৰুডে ইউএছ অ’পেনৰ ফাইনেলত উপনীত হৈছিল। যিজনে দেওবাৰৰ খিতাপ মেচখন জিকিব, তেওঁ কেৰিয়াৰৰ প্ৰথম গ্ৰেণ্ড শ্লেম ট্ৰফীৰ লগতে বিশ্বৰ টেনিছ ৰেংকিঙৰ শীৰ্ষ স্থান দখলৰ সুযোগ আছিল আৰু এই ক্ষেত্ৰত আলকাৰেজ সফল হয়। খিতাপ অৰ্জন কৰাত আমেৰিকান মহান তাৰকা পিট চাম্প্ৰাছৰ পিছত ১৯ বছৰীয়া আলকাৰেজ অ’পেন যুগৰ দ্বিতীয় সৰ্বকনিষ্ঠ খেলুৱৈ হিচাপে পৰিগণিত হৈছে। পিট চাম্প্ৰাছে ১৯৯০ চনত ১৯ বছৰ বয়সত ইউএছ অ’পেন খিতাপ জিকিছিল। ইয়াৰ সৈতে, ১৯৭৩ চনত আৰম্ভ হোৱা এটিপি ৰেংকিঙৰ প্ৰথম সৰ্বকনিষ্ঠ এক নম্বৰ খেলুৱৈ হ’ব এলকাৰেজ। এই অভিলেখটো বৰ্তমান অষ্ট্ৰেলিয়াৰ লুটন হেউইটৰ হাতত আছিল। ২০০১ চনৰ ১৯ নৱেম্বৰত ২০ বছৰ ৮ মাহ ২৩ দিন বয়সত হেউইট সৰ্বকনিষ্ঠ এক নম্বৰ টেনিছ খেলুৱৈ হয়। আলকাৰাজে ১৯ বছৰ বয়সত গ্ৰেণ্ড শ্লেম জিকিছে আৰু ৰাফেল নাদালৰ পিছত গ্ৰেণ্ড শ্লেম জয় কৰা আটাইতকৈ কম বয়সীয়া খেলুৱৈ হৈ পৰিছে। ৰাফেল নাদালে এইটো ২০০৫ চনত অর্জন কৰিছিল। ৰাছিয়াৰ বৰ্তমানৰ এক নম্বৰ দানিল মেদভেদেভ নতুন এটিপি ৰেংকিঙৰ শীৰ্ষ খেলুৱৈ নহয়। যোৱা বছৰ ইউএছ অ’পেন জিকাৰ পিছত তেওঁ এক নম্বৰ হৈ আছিল। এইবাৰ, ইউএছ অ’পেনত নতুন চেম্পিয়ন হোৱাৰ সৈতে, বিশ্ব টেনিছে এজন নতুন শীৰ্ষ খেলুৱৈ লাভ কৰিছে। বৰ্তমান ১৯ বছৰীয়া কাৰ্লোছ আলকাৰেজ হৈছে বিশ্বৰ এক নম্বৰ টেনিছ খেলুৱৈ। ইউএছ অ’পেনৰ অন্তিমখন খেল শেষ হোৱাৰ পিছত, টেনিছ কিংবদন্তী ৰাফেল নাদালে দুয়োজন খেলুৱৈক শুভেচ্ছা জনাই। প্ৰথমখন গ্ৰেণ্ড শ্লেম জয় কৰি বিশ্বৰ এক নম্বৰ টেনিছ খেলুৱৈ হোৱাৰ বাবে কাৰ্লোছ আলকাৰাজক অভিনন্দন জনাই নাদালে। তাৰ পিছত তেওঁ কেচপাৰ ৰুডৰ বাবে টুইটাৰত লিখে ‘চমৎকাৰ প্ৰচেষ্টা কেচপাৰ ৰুড, আপোনাক লৈ গৌৰৱান্বিত। ভাগ্য আজি আপোনাৰ পক্ষত নাছিল, কিন্তু প্ৰতিযোগিতাখন চমৎকাৰ আছিল, আগবাঢ়ি যাওক।’
