সংসদৰ বৰ্ষাকালীন অধিৱেশনৰ দ্বিতীয় দিনটোৰ পূৰ্বে শুকুৰবাৰে কংগ্ৰেছৰ ৰাষ্ট্ৰীয় অধ্যক্ষ মল্লিকাৰ্জুন খাৰ্গেয়ে এক টুইটযোগে প্ৰধানমন্ত্ৰী নৰেন্দ্ৰ মোডীক টেগ কৰি ২০ জুলাইত সংসদৰ প্ৰথম দিনটোত মনিপুৰক লৈ “সংসদৰ ভিতৰতে কোনো বক্তব্য” নিদিয়াৰ বাবে প্ৰধানমন্ত্ৰীক তীব্ৰ ভাষাৰে সমালোচনা কৰে। তেওঁ কয়, “কংগ্ৰেছ শাসিত ৰাজ্যৰ সৈতে ভুৱা সমতুল্যতা স্থাপন কৰাৰ পৰিৱৰ্তে আপুনি প্ৰথমে আপোনাৰ মণিপুৰৰ মুখ্যমন্ত্ৰীক বৰ্খাস্ত কৰিব পাৰিলেহেঁতেন।”
“আপুনি সংসদৰ ভিতৰতে কোনো বক্তব্য নিদিলে। যদি আপুনি খং কৰিছিল তেতিয়া কংগ্ৰেছ শাসিত ৰাজ্যৰ সৈতে ভুৱা সমতুল্যতা কৰাৰ পৰিৱৰ্তে আপুনি প্ৰথমে আপোনাৰ মণিপুৰৰ মুখ্যমন্ত্ৰীক বৰ্খাস্ত কৰিব পাৰিলেহেঁতেন। ভাৰতে আশা কৰিছে যে আপুনি আজি সংসদত বিশদ বক্তব্য দিব, কেৱল এটা ঘটনাৰ ওপৰত নহয়, কিন্তু ৰাজ্যখনৰ আৰু কেন্দ্ৰত আপোনাৰ চৰকাৰে সভাপতিত্ব কৰা ৮০ দিনীয়া হিংসাত্মক পৰিস্থিতিৰ ওপৰত, একেবাৰে অসহায় আৰু অনুশোচনাৰ দৃষ্টিৰে চাব।” কংগ্ৰেছৰ অধ্যক্ষ গৰাকীয়ে নিজৰ কঠোৰ টুইটত এইদৰে কয়।
বৃহস্পতিবাৰৰ পৰা (২০ জুলাই) আৰম্ভ হোৱা সংসদৰ বৰ্ষাকালীন অধিৱেশনৰ পূৰ্বে ভাষণ দি প্ৰধানমন্ত্ৰী নৰেন্দ্ৰ মোদীয়ে মণিপুৰত সংঘটিত হিংসাত্মক পৰিস্থিতিৰ ওপৰত নিজৰ মৌনতা ভংগ কৰি দুগৰাকী কুকি মহিলাক উলংগ হৈ ভিৰৰ দ্বাৰা পেৰেড কৰা আৰু ভিৰৰ দ্বাৰা নিৰ্যাতন চলোৱা এই বিৰক্তিকৰ ভিডিঅ’টোক “ভাৰতৰ ১৪০ কোটি লোকক অপমান কৰা” বুলি অভিহিত কৰে। প্ৰধানমন্ত্ৰীয়ে এই ঘটনাক লৈ “বেদনা আৰু ক্ষোভ”ৰে ভৰি থকা বুলি উল্লেখ কৰি মণিপুৰকে ধৰি প্ৰতিখন ৰাজ্যৰ মুখ্যমন্ত্ৰীক নিজ নিজ ৰাজ্যৰ মহিলাসকলৰ সুৰক্ষা সুনিশ্চিত কৰিবলৈ নিৰ্দেশ দিয়ে। প্ৰধানমন্ত্ৰীয়ে লগতে কয় যে এই ঘটনাই সমগ্ৰ জাতিটোক লজ্জিত কৰিছে।
মণিপুৰত মেইটেই আৰু কুকি সম্প্ৰদায়ৰ লোকৰ মাজত সংঘাতৰ সৃষ্টি হোৱাৰ পিছত ৩ মে’ৰ পৰা হিংসাত্মক পৰিস্থিতিৰ সৃষ্টি হৈছে। জনগোষ্ঠীয় সংঘাত আৰম্ভ হোৱাৰ পিছৰে পৰা ৰাজ্যখনৰ পৰা ব্যাপক হিংসা আৰু অগ্নিসংযোগৰ খবৰ আহিছে। কিন্তু ৪ মে’ত কাংপকপিত উলংগ হৈ পেৰেড কৰা কুকি মহিলাসকলক যৌন হিংসা আৰু অপমান কৰা ভিডিঅ’ই সমগ্ৰ দেশতে প্ৰতিক্ৰিয়াৰ সৃষ্টি কৰিছে।
