দেওবাৰে পঞ্জাৱৰ বঙাৰ সমীপৰ বন্ধিয়ান গাঁৱৰ ডেৰা ৰাধা সোয়ামি সাতসং ভৱনৰ সমীপত এখন তীব্ৰবেগী গাড়ীয়ে খুন্দা মৰাৰ ফলত তিনিজন লোক নিহত হোৱাৰ লগতে দুজন আহত হয়।
বঙাৰ ডিএছপি সৰৱান সিং বালে জানিবলৈ দিয়া মতে সত্সংগত অংশগ্ৰহণ কৰি ডেৰা ভৱনৰ পৰা ওলাই আহি থকা অৱস্থাত ফাগোৱাৰা ফালৰ পৰা অহা চুইফট গাড়ীখনে খুন্দা মাৰে।
আৰক্ষীয়ে জনোৱা মতে, নিহত লোক কেইজনক গোছলা গাঁৱৰ বাসিন্দা অমৰ নাথ; আৰু ভূপিন্দৰ সিং আৰু সোণু বালা বুলি চিনাক্ত কৰা হৈছে।
আহত দুজনক — মৃত সোনু বালাৰ কন্যা অংকিতা (৯) আৰু দোছাঞ্জ খুৰদ গাঁৱৰ বাসিন্দা অৱতাৰ চান্দক বঙাই চিকিৎসালয়ত ভৰ্তি কৰোৱা হৈছে।
জিৰকপুৰৰ সমীপৰ ধুধা গাঁৱৰ গাড়ী চালক তৰ্চেম সিঙক গ্ৰেপ্তাৰ কৰি গাড়ীখন জব্দ কৰা বুলি জানিবলৈ দিয়ে ডি এছ পিয়ে।
মৰণোত্তৰ পৰীক্ষাৰ অন্তত মৃতদেহ কেইটা পৰিয়ালক গতাই দিয়া বুলিও তেওঁ লগতে কয়।
