সোমবাৰে পুৱা বিশাখাপট্টনমৰ এটা জেটি এলেকাত সংঘটিত ভয়াবহ অগ্নিকাণ্ডত জ্বলি ভষ্মীভূত হয় কমেও ৩৫খন মাছ ধৰা নাও।
জিৰ’ জেটি এলেকাত এখন নাওৰ পৰা বিয়পি পৰা জুইয়ে কিছু সময়ৰ ভিতৰতে আন কেইবাখনো নাও ভষ্মীভূত কৰে।
বিশাখাপট্টনম কণ্টেইনাৰ টাৰ্মিনেলৰ সমীপৱৰ্তী অঞ্চল আৰু ভাৰতীয় তৈল নিগমৰ মাছ ধৰা নাও ৰখাই থোৱা অঞ্চলত এই অগ্নিকাণ্ড সংঘটিত হয়।
বিশাখাপট্টনম জিলা অগ্নিনিৰ্বাপক বিষয়া এছ ৰেনুকায়াই পিটিআইক জনোৱা মতে, দুৰ্ঘটনাটোৰ তথ্য লাভ কৰাৰ পিছতে অগ্নিনিৰ্বাপক বাহিনীয়ে ততাতৈয়াকৈ সেই স্থানত উপস্থিত হয়।
বিষয়াগৰাকীয়ে কয় যে এই পৰ্যন্ত কোনো লোক হতাহতি হোৱাৰ খবৰ পোৱা নাই।
ৰেনুকায়াই জনোৱা মতে, অগ্নিনিৰ্বাপক বাহিনীয়ে আধা ঘণ্টাৰ ভিতৰতে ওচৰৰ আন নাওলৈ জুই বিয়পি পৰাৰ পৰা নিয়ন্ত্ৰণ কৰিবলৈ সক্ষম হয়।
জুই নিৰ্বাপন কৰিবলৈ প্ৰায় দুঘণ্টা সময় লাগিছিল বুলিও তেওঁ লগতে কয়।
বিশাখাপট্টনমৰ আৰক্ষী উপ আয়ুক্ত-দ্বিতীয় মণ্ডল কে আনন্দ ৰেড্ডীয়ে কয় যে দেওবাৰ আৰু সোমবাৰৰ মাজৰ নিশাটো যথেষ্ট বতাহ বলি থকাৰ বাবে আঁহ (প্লাষ্টিক)ৰে নিৰ্মিত আৰু ওচৰৰ পৰা লংঘন কৰা নাওসমূহৰ মাজত জুই দ্ৰুতগতিত বিয়পি পৰে।
ৰেড্ডীয়ে লগতে কয় যে, “এই নাওসমূহৰ বহুতেই ৫ হাজাৰ লিটাৰ পৰ্যন্ত ডিজেলও কঢ়িয়াই লৈ ফুৰে কাৰণ মাছমৰীয়াসকলে কেইবা সপ্তাহ ধৰি সাগৰত প্ৰৱেশ কৰে। বহু নাওত তৰলীকৃত পেট্ৰলিয়াম গেছ (এল পি জি) চিলিণ্ডাৰো ভৰ্তি আছিল যিবোৰ মাছমৰীয়াসকলে ৰন্ধা-বঢ়াৰ বাবে ব্যৱহাৰ কৰে।”
অগ্নিকাণ্ডৰ সময়ত ৮টালৈকে বিস্ফোৰণ সংঘটিত হয় যিটো এল পি জি চিলিণ্ডাৰৰ বুলি সন্দেহ কৰিছে বিষয়াসকলে।
হিচাপ অনুসৰি প্ৰতিখন নাওৰ মূল্য ৩৫ লাখৰ পৰা ৫০ লাখ টকাৰ ভিতৰত বুলি অনুমান কৰা হৈছে।
