ভাড়াতীয়া দম্পতীৰ কোঠাত গোপনে স্থাপন পেন কেমেৰা! যুৱতীৰ গোপন দৃশ্য বন্দী কৰি গ্ৰেপ্তাৰ ভাৱী চিকিৎসক

ভাড়াতীয়া দম্পতীৰ কোঠাত গোপন কেমেৰা লগাই মহিলাৰ ব্যক্তিগত মুহূৰ্ত ৰেকৰ্ড কৰাৰ অভিযোগত গ্ৰেপ্তাৰ হ’ল এজন চিকিৎসা বিজ্ঞানৰ ছাত্ৰ। এই চাঞ্চল্যকৰ ঘটনা সংঘটিত হৈছে চেন্নাইত।

জানিব পৰা মতে, চেন্নাই দন্ত চিকিৎসা মহাবিদ্যালয়ৰ ছাত্ৰ ইব্ৰাহিমৰ ঘৰত প্ৰায় এবছৰৰ পৰা ভাড়াতীয়া হিচাপে বাস কৰি আহিছিল এহাল পতি-পত্নীয়ে। ৩০ জানুৱাৰীত কম বয়সীয়া মহিলাগৰাকীয়ে নিজৰ বেডৰুমত ৰখা এটা কলমৰ পৰা এক অনুজ্জ্বল পোহৰ কোঠাত বিয়পি পৰা প্ৰত্যক্ষ কৰে।

ইয়াৰ পিছতে তেওঁ স্বামীক এই বিষয়ে কোৱাত স্বামীয়ে পেনটো খুলি চাই নিশ্চিত হয় যে সেইটো আচলতে এটা পেন কেমেৰা, য’ত বন্দী হৈছিল মহিলাগৰাকীৰ কাপোৰ সলোৱাকে ধৰি তেওঁলোকৰ অন্তৰংগ মুহূৰ্তৰ বহু দৃশ্য।

ইয়াৰ পিছতে দম্পতীহালে এই সন্দৰ্ভত ইব্ৰাহিমৰ বিৰুদ্ধে স্থানীয় থানাত এজাহাৰ দাখিল কৰাত আৰক্ষীয়ে গ্ৰেপ্তাৰ কৰে অভিযুক্ত চিকিৎসা বিজ্ঞানৰ ছাত্ৰজনক।

দম্পতীহালে অভিযোগ কৰা অনুসৰি, ঘৰৰ মালিকৰ কৰ্তৃত্ব দেখুৱাই প্ৰায়েই ইব্ৰাহিমে বিনা অনুমতিৰে তেওঁলোকৰ কোঠাত প্ৰৱেশ কৰিছিল। আৰু তেনেকৈয়ে যুৱকজনে তেওঁলোকৰ কোঠাত গোপনে পেন কেমেৰা স্থাপন কৰা বুলি অভিযোগ কৰে দম্পতীহালে

By editor

Leave a Reply

Your email address will not be published. Required fields are marked *