পি ভি সিন্ধুৱে ২০২২ৰ আগষ্টৰ পিছত প্ৰথমবাৰৰ বাবে এখন প্ৰতিযোগিতাৰ কোৱাৰ্টাৰ ফাইনেলত প্ৰৱেশ কৰিছে। মাদ্ৰিদ স্পেইন মাষ্টাৰ্ছ বেডমিণ্টন টুৰ্ণামেণ্টৰ অন্তিম-১৬ ত সিন্ধুৱে ৩৬ মিনিটত ইণ্ডোনেছিয়াৰ কুচুমাভাৰ্দিনীক ২১-১৪, ২১-১৬ ত পৰাস্ত কৰি কোৱাৰ্টাৰ ফাইনেলত প্ৰৱেশ কৰে। কেৱল সিন্ধুই নহয়, পঞ্চম স্থানৰ কিদাম্বি শ্ৰীকান্তেও কোৱাৰ্টাৰ ফাইনেলত প্ৰৱেশ কৰিবলৈ সক্ষম হৈছে। তেওঁ পোনপটীয়া খেলত বি চাই প্ৰনীতক ২১-১৫, ২১-১২ ত পৰাস্ত কৰি অন্তিম-৮ ত প্ৰৱেশ কৰে। একে সময়তে, প্ৰতিযোগিতাখনত প্ৰিয়াংশু ৰাজাৱত আৰু কিৰণ জৰ্জৰ প্ৰত্যাহ্বান সমাপ্ত হৈছে। বাৰ্মিংহাম কমনৱেলথ গেমছৰ পিছত দ্বিতীয় স্থানৰ সিন্ধুৰ বাবে নাছিল ভাল সময়। গোৰোহাৰ অস্ত্ৰোপচাৰৰ পিছত তেওঁ জানুৱাৰীত মালয়েছিয়া অ’পেনত প্ৰত্যাৱৰ্তন কৰে, কিন্তু একেৰাহে দুটা টুৰ্ণামেণ্টত প্ৰথম ৰাউণ্ডৰ পৰাজয়ৰ সন্মুখীন হয়। তেওঁ যোৱা সপ্তাহ চুইছ অ’পেনত তেওঁৰ খিতাপ ৰক্ষা কৰিবলৈ অৱতীৰ্ণ হৈছিল। তাত তেওঁ প্ৰথম ৰাউণ্ডত বিজয়ী হৈছিল, কিন্তু দ্বিতীয় ৰাউণ্ডত কুসুমাৱাৰ্ডিনীয়ে তেওঁক অপ্ৰত্যাশিতভাৱে পৰাজিত কৰিছিল।
