চাকৰি প্ৰদানৰ অজুহাতত ধন দাবী কৰি গ্ৰেপ্তাৰ হোৱাৰ পিছতে শুকুৰবাৰে ভাৰতীয় জনতা পাৰ্টিয়ে ৰাজ্যিক বিজেপিৰ নেত্ৰী মুন ইংতিপিক দলৰ পৰা বহিষ্কাৰ কৰে।
বিজেপিয়ে উদ্ধৃতি দি কয় যে মুন ইংতিপিৰ এই কাৰ্যই দলটোৰ ভাৱমূৰ্তি বিনষ্ট কৰিছে যাৰ বাবে ৰাজ্যিক সভাপতি ভবেশ কলিতাই তৎকালীনভাৱে কাৰ্যকৰী হোৱাকৈ তেওঁক দলৰ পৰা বহিষ্কাৰ কৰাৰ সিদ্ধান্ত গ্ৰহণ কৰে।
উল্লেখযোগ্য যে বৃহস্পতিবাৰে কাৰ্বি আংলং জিলাত জালিয়াতিৰ অভিযোগত বহিষ্কৃত বিজেপি নেত্ৰীগৰাকীক গ্ৰেপ্তাৰ কৰা হৈছিল।
ইংতিপিয়ে চাকৰি দিয়াৰ অজুহাতত কেইবাজনো লোকৰ পৰা বৃহৎ পৰিমাণৰ ধন আদায় কৰাৰ অভিযোগ উত্থাপন হৈছে।
এতিয়ালৈকে ইংতিপিয়ে চাকৰিৰ বাবে হাহাকাৰ কৰি থকা এনে দুৰ্ভগীয়া ব্যক্তিৰ পৰা প্ৰায় ৯.৫২ কোটি টকা আদায় কৰিছিল বুলি অভিযোগ উঠিছে।
পিছত আৰক্ষীয়ে ভুক্তভোগীৰ অভিযোগৰ ভিত্তিত ইংতিপিক গ্ৰেপ্তাৰ কৰে। লগতে জানিব পৰা মতে ইংতিপিয়ে মুখ্যমন্ত্ৰী হিমন্ত বিশ্ব শৰ্মা আৰু কাৰ্বি আংলং স্বায়ত্ত শাসিত পৰিষদৰ মুখ্য কাৰ্যবাহী সদস্য তুলিৰাম ৰংহাঙৰ নাম ব্যৱহাৰ কৰি ভুক্তভোগীৰ পৰা ধন আদায় কৰিছিল।
ইয়াৰ পিছতে ইংতিপিক বিজেপিৰ কিষাণ মৰ্চাৰ সম্পাদকৰ পদৰ পৰা নিলম্বন কৰা হয়।
