পুনৰ এবাৰ বাতৰিৰ শিৰোনাম দখল কৰিছে ষ্টেণ্ড আপ কমেডিয়ান মুনৱৱাৰ ফাৰুকীয়ে। জনপ্ৰিয় কমেডিয়ান গৰাকীৰ গুজৰাট ভ্ৰমণৰ পূৰ্বে এইবাৰ বজৰংগ দলৰ দ্বাৰা ভাবুকিৰ সন্মুখীন হৈছে।
বজৰং দলে মুনৱৱাৰ ফাৰুকীক তেওঁৰ গুজৰাট ভ্ৰমণৰ পূৰ্বে কোনো কমেডি অনুষ্ঠানত অংশগ্ৰহণ নকৰিবলৈ সতৰ্ক কৰি দিছে। মুনৱৱাৰে অক্টোবৰৰ প্ৰথম সপ্তাহত গুজৰাটৰ বিভিন্ন চহৰত কেইবাটাও অনুষ্ঠান অনুষ্ঠিত কৰাৰ কথা আছে। কিন্তু বজৰং দলে তাৰ আগতে প্ৰতিবাদ আৰম্ভ কৰিছে।
গুজৰাট বজৰং দলৰ নেতা জোৱালিত মেহতাই মুনৱৱাৰ ফাৰুকীক এটা ভিডিঅ’ টুইট কৰি সকীয়নী প্ৰদান কৰিছে। ভিডিঅ’টোত তেওঁ কয়, “তেওঁ তেওঁৰ কামৰ দ্বাৰা হিন্দু ধৰ্মক অৱমাননা কৰিছে, তেওঁ তেওঁৰ কৌতুকৰ দ্বাৰা হিন্দু ধৰ্মীয় অনুভূতিক আঘাত কৰিছে। কিন্তু বজৰং দল এই বোৰৰ প্ৰতি সহনশীল নহয়। বজৰং দলে জানে কেনেকৈ টিট-ফৰ-টেট উত্তৰ দিব লাগে। আমি আপোনাক অনুষ্ঠানটো বাতিল কৰিবলৈ আহ্বান জনাইছো আৰু যদি আপুনি এনে নকৰে, অৰ্থনৈতিক, শাৰীৰিক আৰু মানসিক পৰিণামৰ সন্মুখীন হ’বলৈ সাজু থাকিব। “
